Alfke

Vun Wikipedia

Alfke is een plattdüütschen Vörnaam för Jungs un Deerns.

Inholtsverteken 1 Herkamen 1.1 Vun Alboin 1.2 Vun Adalwin 2 De plattdüütsche Naam 3 Plattdüütsche Tonaams 4 Anner Spraken 5 Kiek ok nah bi 6 Weblenken

[ännern] Herkamen

Alfke kümmt vun den olen Naam Alwin (Alwine) vun her. De kümmt nu wedder ut de germaansche Spraak vun den Naam Alboin oder vun den Naam Adalwin her.

[ännern] Vun Alboin

In Alboin steekt de germaanschen Wöör Albi (Alb, Elb) un wini (Fründ) in. Denn heet Alboin De Elben ehr Fründ.

[ännern] Vun Adalwin

In Adalwin steekt de beiden Wöör adal (vörnehm, eddel) un wini (Fründ) in. Denn heet de Naam Adalwin so wat, as vörnehm Fründ.

[ännern] De plattdüütsche Naam

Vunwegen datt dat nu de Naams för Mannslüde (Alwin) un för Froonslüde (Alwine) geev, geev dat nu densülbigen Naam Alfke för Jungs un Deerns. Un dat keem so: Toeerst is ut de Naams Alwin un Alwine mal een korte Form billt wurrn, vunwegen de Plattdüütschen mundfuul weeren. Dor keem denn Alw oder Alf bi rut. As dor een Smusenaam för lüttje Gören vun maakt wurr, keem dor denn dat Anbacksel (Suffix) to'n Lüttjer maken (Diminutiv) -ke achtern an. So is dor denn de Naam Alfke vun wurrn. De bedutt Lütt Alwin oder Lütt Alwine.

[ännern] Plattdüütsche Tonaams

Vun düsse plattdüütschen Vörnaams stammt ok de plattdüütschen Tonaams Alfke un Alfken vun af. De bedüüt so veel, as: Ut Alfke sien Familie oder ok Vun Alfke sienen Hoff.

[ännern] Anner Spraken

Albine, Alvi, Alvy, Alwy, Elwine, Alvine, Alvina

[ännern] Kiek ok nah bi

• List vun plattdüütsche Vörnaams.

[ännern] Weblenken

• Wofaken un woneem de Vörnaam in Düütschland vörkummt: Alfke