A Star Is Born (1937)

Vun Wikipedia
Filmdaten
Originaltitel: A Star Is Born
Düütsch Titel: Ein Stern geht auf
Produkschoonsland: USA
Johr vun’t Rutkamen: 1937
Läng: 111 Minuten
Originalspraak: Engelsch
Filmkru
Speelbaas: William A. Wellman
Jack Conway
Dreihbook: Dorothy Parker
Alan Campbell
Robert Carson
Adela Rogers St. Johns
Produkschoon: David O. Selznick für Selznick International Pictures in‘ Verleeh vun United Artists
Musik: Max Steiner
Kamera: W. Howard Greene
Snitt: James E. Newcom
Anson Stevenson
Dorstellers

A Star is Born (plattdüütsch so völ as: „En Steern is boren“; dt. Titel: Ein Stern geht auf) is en US-amerikaansch Speelfilm vun William A. Wellman mit Janet Gaynor un Fredric March ut dat Johr 1937. De Film foot deelwies up What Price Hollywood? ut dat Johr 1932 un wurr later noch tweemal nee verfilmt.

Handlung[ännern | Bornkood ännern]

Vicki Lester kummt ut de Provinz nah Hollywood, wo se vun Erfolgen bi’n Film dröömt. Um sück ehr Levensünnerholt to verdeenen, kellnert se up en en Hollywoodparty, wo se den alkoholiserten Norman Maine draapt, en Star, de sien Steern aber so nah un nah daal geiht. Normansütt hör Talent un hett ok en Oog up hör schmeeten. He führt hör in de Filmwelt vun Hollywood in. Bald dorup stiggt se to en nee Star up. De beid heiraaten. Wiels Vicky aber vun Erfolg to Erfolg kumm, fallt Norman Maine immer deeper in den Strudel vun de Drinkeree.

Achtergrund[ännern | Bornkood ännern]

Janet Gaynor in A Star Is Born (1937)

Selznick harr all 1932 noch bi RKO mit Constance Bennett en vergliekboren Plot över den Upstieg vun en Unbekannten dör de Ehe mit en bekannten männlichen Star ünner den Titel What Price Hollywood? dreiht. He hett sück Gedanken um de Idee vun en Remake maakt, sietdem he sück 1936 sülvständig maakt harr un Selznick hett lang versöcht, en Dreihbook to kriegen, wat to bruuken weer. Nah etlichen Querelen un den begäng siedenlang Memos, för de he berühmt un berüchtigt weer, stunn en Version, de den Fokus mehr up den Upstieg vun de jung Fru un weg vun de Tragik vun den fallen Star lenken dee. Inspireert vun dat wat um John Gilbert, de 1936 nah Alkoholexzessen meest vergeeten, storven weer, passeert weer, hett Selznick ok den Grundcharakter vun de männlich Hööftfigur, de in de oorsprünglich Version noch en Speelbaas weer, hen to en fröher fiert Schauspeler ännert. Dorbi kreeg de Figur mehr as blots en Charaktertoog vun John Barrymore.

De Besetten vun de Hööftrullen weer nich ganz eenfack. Wiels man sück noch temelk flink up March eenigen kunn, weer de Dorstellersche för de Fruenrull stuurder to finnen. Selznick harr tonächst an Elisabeth Bergner docht, denn aber Margaret Sullavan favoriseert. Sluutend keem he up Janet Gaynor, deren Karriere siet 1934 so nah un nah an‘ Afnehmen weer. Selznick leet den Film in Technicolor dreihn.

De Film speel mit meest 2.400.000 US-Dollar en för dormalige Tiet horrende Summ in.

1954 folgten mit A Star Is Born (1954) un Judy Garland as ok 1976 ünner den Titel A Star Is Born (1976) mit Barbra Streisand in de Hööftrullen wiedere Verfilmungen vun dat Thema.

Kritiken[ännern | Bornkood ännern]

  • „Satirische Abrechnung mit dem Filmgeschäft, das zu Unrecht weniger Popularität genießt als Cukors Remake aus dem Jahre 1954.“ – Heyne Filmlexikon[1]
  • „In den satirischen Seitenhieben auf den Moloch Hollywood überzeugender als in den melodramatischen Sequenzen; dennoch […] ein sehenswerter Unterhaltungsfilm des klassischen Hollywood-Kinos, mit Sorgfalt und Geschmack inszeniert.“Lexikon des internationalen Films[2]

Utteknungen[ännern | Bornkood ännern]

Up de Oscarverleehn 1938 kreeg de Film insgesamt söben Nomineeren un wunn een vun de Priesen:

  • Best Originalgeschichte - William Wellman - wunnen
  • Best Film
  • Best Hööftdorsteller - Fredric March
  • Best Hööftdorstellerin - Janet Gaynor
  • Best Regie - William Wellman
  • Best Regieassistenz - Eric Stacey
  • Best adapteert Dreihbook - Dorothy Parker, Alan Campbell, Robert Carson

Doröver herut kreeg W. Howard Greene en Ehrenoscar för sien Farvupnommen.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Just, Lothar R. et al.: Heyne Filmlexikon. 3. Uplaag. Wilhelm Heyne Verlag, München, 1999. ISBN 3-453-15747-8
  2. Vörlaag:LdiF