Zwartbles
De Zwartbles is en Schaapraass, de wohrschienlich vun dat Schoonebeker Heideschaap afstammt, dat fröher veel in Drenthe un Freesland holen wurrn is. Ok mank de Schoonebekers gifft dat Tieren mit de Bless, de bi dat Zwartbles to finnen is. De Zwartblessen sünd denn woll dör utsorteern tostanne kamen. De eersten Tüchter hefft jem denn krüüzt mit Melkschaap un Texelaar. 1975 geev dat nich mehr as bi 500 Zwartblessen, dormank veelen, de ehr Raass nich besunners rein weer. Vun dor af an is veel anners wurrn. Gifft midderwielen veel Frünnen vun düsse Raass vunwegen ehr gode Egenorten un ok, weil se so smuck utsütt. 2006 weern mehr as 4.000 Schaap inschreven in dat NZS-Stammbook.
Wat vun Schaap dat is
[ännern | Bornkood ännern]Dat Zwartbles is en groot un stevig Schaap mit gode Muskeln. Dat steiht hooch up de Poten un hett en langen, wullen Steert. Höörn gifft dat nich bi düt Schaap. De Ohren staht dwars af. Dat Fell is bruunswart un up den Kopp gifft dat de grote, witte Bless, wo dat ok sien Naam vun hett. Witt is dat ok an de unnersten Achterpoten un dat hett en witten Punkt an den Steert. De Wull is groff. Dat Schaap is goot fruchtbor un smiet tomeist twee oder ok dree Lämmer. Mit de Geboort geiht dat meist ganz eenfach af. Dat en Lamm nich dör dat Becken vun dat Auschaap passt, kümmt, anners as bi dat Texelschaap, bloß selten vör. De Zwartblessen geevt veel Milk un de Lämmer wasst gau. De Stammbooktüchter seht bi de Auschaap geern en Kielform mit veel Platz för de Lämmer un ok noog Platz för den Pansen. Dat leste is in de lesten Weken vun de Dracht nödig, dormit genug Foer upnahmen weern kann.
Kiek ok bi
[ännern | Bornkood ännern]Externe links
[ännern | Bornkood ännern]
Category:Zwartbles. Mehr Biller, Videos oder Audiodateien to’t Thema gifft dat bi Wikimedia Commons.
- De offiziell NZS websteed (Nedderlannsch)