Zuudvene

Vun Wikipedia
Zur Navigation springen Zur Suche springen

Zuudvene oder Sevene (Nedderlannsche Spraak: Zuidveen) is en lütt Dörp jüst ünner de Stadt Stienwiek in de Provinz Oaveriessel, in’n Ossen vun de Nedderlannen. Zuudvene liggt in de Gemeende Stienwiekerlaand in’n ‚Kopp vun Oaveriessel‘, dat Rebeet mank de dree Provinzen Fryslân, Drenthe un Flevolaand. Langs Zuudvene geiht de Provinzweg N333.

To’n eersten Mal snackt se vun Zuudvene in 1386. Dor hett man bit in dat 20. Johrhunnert jümmer Torf wunnen. Um 1550 kemen Siedler ut de Provinz Fryslân - vele Mennoniten dorto - un anner Rebeete na Zuudvene. 1779 brook en grote Brand ut. Noch lange Tiet hebbt se in Zuudvene un Stienwiek seggt: „Wedden om een hallefien [en Geldstück], Zuudvene staot in de braand.“ 1825 keem en Stormfloot, in de in ganz Oaveriessel mehr as 300 Minschen doodbleven sünd.

In 1840 hett Zuudvene etwa 1000 Inwahners; an’t End vun’t 19. Johrhunnert blot noch halv sovööl. De Mennoniten hadden in Zuudvene bit 1848 ehr egen Karkgemeende.

In Zuudvene warrt neben dat Nedderlannsch ok Neddersassisch (dat Stellingwarfs) snackt.