Zentriol

Vun Wikipedia
Zentriol

Zentriolen (ok Centriolen) sünd luerlüttje Deele, de seht ut as Röhren, un finnt sik in allerhand Zellen vun Leevwesens. Se sünd bi 170 x 500 Nanometers groot (also um un bi 1/2000 mm) un billt, tohopen mit de Matrix um den Zellkarn umto, dat Zentrosom (ok Centrosom). Jummers twee vun jem finnt sik in een Zentrosom. Dor steiht dat een Zentriol lootrecht bi up dat annere.

Zentriolen sünd wichtig to’n Stütten un Transorteern in de Zellen. Tohopen mit de Matrix, de um den Zellkarn umto is, boot se de MTOCs (microtubule-organizing centers), de bi Mitose un Meiose den Spillapparaat herstellen doot, de de Chromosomen upspleten deit. Bi de Interphase hölpt de Zentriolen un organiseert de Zellen un maakt se stäbig.

Zentriolen gifft dat bi de Zellen vun de meisten Deerter un neddern Planten, man nich bi de högern Planten (Angiospermen). In Zellen mit en „Pietschen“ dor an liggt de Zentriolen in de Interphase as Basalliever vor, u. a. in de Gröönalge (Chlamydomonas reinhardtii). Bi de meisten Söögdeerter bestaht de Zentriolen ut 27 Mikrotubuli (9 Tripletts). Se sünd dör Mikrofadens mit’nanner verbunnen. De Upboo vun de Znetriolen verscheelt sik faken: Mikrotubuli-Dupletts bi Drosophila, Mikrotubuli-Singletts bi den Fadenworm C. elegans.

Weblenken[ännern | Bornkood ännern]