Yoshinori Ōsumi

Yoshinori Ōsumi (2016)

Yoshinori Ōsumi (japaansch:大隅 良典}}, Ōsumi Yoshinori; * 9. Februar 1945 in Fukuoka, Japan) is en japaansch Zellbioloog. He is bekannt för Forschungen un Opdecken to de Autophagozytose (Autophagie). 2016 wurr hüm dorför de Nobelpries för Physiologie oder Medizin tospraaken.

Leven

Ōsumi wurr 1945 in Fukuoka boren. Sien Vader weer Perfesser an de Universität Kyūshū un Ingenieur. Ōsumi kreeg 1967 den Bachelor-Afsluss an de Universität Tokio un hett dor 1974 bi Kazutomi Imahori sien Doktertitel maakt. Wiels dat Studium is he vun de Chemie to de dormals in' Upbröök befindlich Molekularbiologie wesselt. Bit 1977 weer he as Postdoktorand an de Rockefeller University bi Gerald Edelman tätig, wo sien Befaaten mit Weetenzellen (DNA Duplizeeren) anfung, un dornah forsch he an de Universität Tokio (bi Yasuhiro Anraku), an de he 1986 Dozent (Lecturer) un 1988 Assistenzperfesser (Associate Professor) wurr. To de Tiet hett he sück all mit Membrantransport in Vakuolen in de Zelle, de Deel vun dat System vun de Autophagie sünd, befaat. 1996 gung he as Perfesser an dat National Institute for Basic Biology in Okazaki. Buterdem weer he 2004 bit 2009 Perfesser an de Graduate University for Advanced Studies in Hayama. 2009 emeriteer he un weer dornah Perfesser an dat Tokyo Institute of Technology.

Wark

He hett de molekularen Mechanismen vun Autophagie an dat Bispeel vun Hefezellen verklort, later ok bi Suugerzellen, de sück dör Afbau vun körpereeegen Proteine up wannelt Umweltbedingungen instellen. Dorbi hett he mit sien Grupp de bedeeligten Enzyme, deren Reguleeren je nah Stoffwesseltostand un den Mechanismus vun dat Billen vun Autophagosomen utfinnig maakt In de Hefezelle billen sück bi Stickstoffmangel Autophagosomen (Membrane, de de aftobauen Proteine umsluuten un an Vakuolen oder Lysosomen afgeven, dat billen sück Vesikel in den Vakuolen un Vakuolen fusioneeren. Ōsumi hett verscheeden genetisch Varianten vun Hefezellen ünnersöcht, de för disse Perzesse vun den Zellafbau wichtige Proteinasen in den Vakuolen fehlen deen. 1991 funn sien Gruppe en eersten Autophagie-defekten Mutanten (apg 1-1, later ATG 1 nömmt) in Hefe un later hemm se noch 13 wiedere (ATG) funnen. Mit de bald dorup folgen Entslööteln vun dat Arvgoot vun de Hefezelle kunnen de entsprekend Gene klont wurrn. ATG 1 weer en Proteinkinase entsprekend, de annern harrn komplizeertere Funktschonen un entspreeken regulatorischen Ubiquitin-ähnlich Enzymen.

Utteknungen (Utwahl)

• 2005 Fujihara Award
• 2006 Pries vun de Japan Academy
• 2008 Asahi-Pries
• 2012 Kyoto-Pries
• 2015 Canada Gairdner International Award
• 2015 Internatschonaler Pries för Biologie
• 2015 Keio Medical Science Prize
• 2015 Rosenstiel Award
• 2016 Wiley Prize in Biomedical Sciences
• 2016 Dr. Paul Janssen Award for Biomedical Research
• 2016 Nobelpries för Physiologie oder Medizin

Schriften

• mit Tsukada: Isolation and characterization of autophagy-defective mutants of Saccharomyces cerevisiae. In: FEBS Letters, Band 333, 1993, S. 169–174, Abstract
• mit K. Takeshige, M. Baba, S. Tsuboi, T. Noda: Autophagy in yeast demonstrated with proteinase-deficient mutants and conditions for its induction. In: Journal of Cell Biology, Band 119, 1992, S. 301–311, Abstract
• mit Takeshige, M. Baba, N. Baba: Ultrastructural analysis of the autophagic process in yeast: detection of autophagosomes and their characterization. In: Journal of Cell Biology, Band 124, 1994, S. 903–913, Abstract
• mit Noboru Mizushima u. a.: A protein conjugation system essential for autophagy. In: Nature, Band 395, 1998, S. 395, Abstract
• mit Kabeya u. a.: LC3, a mammalian homologue of yeast Apg8p, is localized in autophagosome membranes after processing. In: EMBO Journal, Band 19, 2000, S. 5270–5278, PMC 305793 (fre’en Vulltext)
• mit K. Suzuki u. a.: The Pre-Autophagosomal Structure Organized by Concerted Functions of APG Genes Is Essential for Autophagosome Formation. In: EMBO Journal, Band 20, 2001, S. 5971–5981, doi:10.1093/emboj/20.21.5971.
• mit Mizushima, Yoshimori: Autophagosome formation in mammalian cells. In: Cell Struct. Funct., Band 27, 2002, S. 421–429, PMID 12576635
• mit Nakatogawa, Ichimura: Atg8, a Ubiquitin-like Protein Required for Autophagosome Formation, Mediates Membrane Tethering and Hemifusion. In: Cell, Band 130, 2007, S. 165–178, doi:10.1016/j.cell.2007.05.021

Weblenken

Yoshinori Ōsumi. Mehr Biller, Videos oder Audiodateien to’t Thema gifft dat bi Wikimedia Commons.

• Imamori Foundation
• Yoshinori Ohsumi: Autophagy from beginning to end. In: Journal of Cell Biology, 2012; Interview