Years & Years

Vun Wikipedia
Zur Navigation springen Zur Suche springen
Singer Olly Alexander bi en Upträe vun de Band

Years & Years is en britisch Elektropopband ut London, de insbesünnere mit de Leeder Sunlight un King ehrn internatschonalen Dörbröök fiern kunn.

Historie vun de Band[ännern | Bornkood ännern]

Grünnd wurr Years & Years vun Michael Goldsworthy un Emre Turkman, de sück 2010 up de Söök nah Mitmusiker in't Internet kennen lehrt hemm. Vullstännig wurr dat Trio mit den Schauspeler Olly Alexander, up de se in hör Früendskrink drapen sünd. Dat düer bit 2013, bit se bi dat lütt Label Kitsuné Music mit Traps un Real hör eerst beid Singles rutbringen deen. Todem harrn se mit hör Liveupträen vun sück reden maakt, so dat Polydor up de Grupp upmarksom wurrn weer un se 2014 ünner Verdrag nehm.

In' August keem de Single Take Shelter herut, de en Achtungserfolg un in Bulgarien sogor en Nummer-een-Hit wurr. Wenig later keem de Single Sunlight herut, en Tosommenarbeit mit den belgischen DJ The Magician. Dat Leed keem nich blots in Belgien in de Top Ten sonnern keem ok in de UK up Platz 7, wat gliekbedüüdend mit den eersten UK-Hit vun den Belgier weer.

Neben eegen Upträen in ganz Europa, weern se den Sömmer över up völ Festivals vertreden un sünd ünner annern bi , Clean Bandit un Sam Smith as Vörband uptreeden.[1] Enn' November folg Desire, mit de Years & Years ehrn eersten eegen Hit in de britisch Charts harrn. Bi de BBC-Prognose för den Sound of 2015 keemen se up Platz een un ok bi MTV Brand New for 2015[2] hörr de Band to de Nomineerten. Bi de Critics’ Choice för de BRIT Awards hörr de Band to de Vörutwahl.[3]

In' März 2015 folg de nächste Single King, de up Platz 1 vun de britisch Charts insteeg un en internatschonaler Erfolg wurr.

An' 12. September 2015 hemm se dat letzte Konzert vun dat SWR3 New Pop Festival 2015 speelt.

Liddmaaten[ännern | Bornkood ännern]

  • Olly Alexander, Singer
  • Michael Goldsworthy, Bassist
  • Emre Turkman, Synthesizer

Diskografie[ännern | Bornkood ännern]

EPs

  • Y & Y (2015)

Leeder

  • Traps (2013)
  • Real (2014)
  • Take Shelter (2014)
  • Sunlight / The Magician featuring Years & Years (2014)
  • Desire (2014)
  • King (2015)
  • Worship (2015)
  • Shine (2015), Polydor
  • Eyes Shut (2015), Polydor

Bornsn[ännern | Bornkood ännern]

  1. BBC Music Sound Of 2015 longlist revealed, BBC, 1. Dezember 2014
  2. MTV Brand New for 2015 (Afstimmenssiet)
  3. Who Are the Brit Awards 2015 Critics’ Choice Award Nominees?, Sugarscape, 28. November 2014

Weblenken[ännern | Bornkood ännern]