Wiete

Vun Wikipedia
(wiederwiest vun Wyte)
Zur Navigation springen Zur Suche springen

Wiete un Wyte is een plattdüütschen Vörnaam för Jungs un Deerns.

Herkamen[ännern | Bornkood ännern]

Wiete is een korte plattdüütsche Form vun ooltsassische Naams mit Widu-. Dat heet Woold oder Holt. Bekannt sünd Naams as Widukind oder Wit-old (de in'n Woold regeert). En annere Mööglichkeit is, dat de Naam mit Naams to kriegen hett, wo dat ooltsassische, ooltfreesche un angelsassische Woort wîd (d. h. wiet) in steken deit.

Anner Formen för Jungs un Deerns[ännern | Bornkood ännern]

As vun Wiete en Smusenaam vun maakt wurrn is, is dor dat Diminutiv-Anbacksel (Suffix) -tje anbackt wurrn. So is dor de Naam Wietje oder ok Wiedje vun wurrn. Dat heet denn Lüttje Wiete. Düsse Naam is för Jungs un Deerns bruukt wurrn. Wenn eendüdig klaar maakt weern scholl, dat sik dat bi de Göörn üm Deerns hannelt, denn so is an den Naam ok en -a as Feminin-Suffix anbackt wurrn. Nu weer de Naam Wieta torecht. De is bloß för Deerns bruukt wurrn. Bi Jungs konn dat -e an'n Enne wegfallen, denn is dor Wiet vun wurrn: En reinen Jungsnaam.

Kiek ok nah bi[ännern | Bornkood ännern]

Weblenken[ännern | Bornkood ännern]