Wolga

Vun Wikipedia
Stroomrebeet vun de Wolga

De Wolga is en Stroom in Russland. Mit 3.534 Kilometer is se de längste Stroom in Europa. De Born liggt in de Waldai-Bargen noordwesten vun Moskau bi dat Dörp Wolgowerchowe op 128 Meter över de See. De Stroom münnt 28 Meter ünner de See in dat Kaspische Meer. Dat Stroomrebeet is üm un bi 1,41 Millionen km² groot. Alltohoop fleet elk Johr 258 Milliarden m³ na’t Kaspische Meer af.