Wolfram Dorn

Vun Wikipedia
Dorn mit Genscher 1977

Wolfram Dorn (* 18. Juli 1924 in Altena; † 17. Juni 2014 in Halver[1]) weer en düütsch Politiker (FDP) un Schriever.

He weer van 1969 bit 1972 Parlamentarisch Staatssekretär bi den Bundsbinnenminister.

Leven un Berop[ännern | Bornkood ännern]

Nah den Besöök vun de Volks- un Rektoratsschool hett Dorn en Landwertschapsschool besöcht un hett sück för en landwertschaplich Tätigkeit in Kamerun vörbereit. Dorn nehm as Suldat vun de Waffen-SS an' Tweeten Weltkrieg deel un keem 1944 in Kriegsfangenschap, ut de he 1946 entlaaten wurr.

1946 fung he en Utbillen to'n Industriekoopmann an mit ansluuten Verwaltensprüfung för den Apenlichen Deenst. Af 1949 weer he tonächst Verwaltensangestellter un denn Geschäftsführer bi de FDP. Van 1962 bit 1969 weer he Direkter vun den Düütschen Architekten- un Ingenieurverband as ok Chefredakteur vun de Düütsch Architekten- un Ingenieurtietschrift. Van 1973 bit 1977 weer he Verlagsbaas vun de Tietschrift liberal. Nahdem he in de Tüschentiet as free Schriever arbeit harr, övernehm Dorn 1981/82 den stellvertreden Vörstandsvörsitt vun dat Forschens- un Beraadensinstitut DATUM.

Van 1982 bit 1985 weer Dorn Direkter vun de Westdüütsch Landsbank - Girozentrale. Siet 1985 weer he weer as freeschaffen Schriever tätig. Up den negenten Schrieverkongress vun den Verband vun düütsch Schrievers (VS), hüüd in ver.di, in Frankfort an'n Main (8. bit 10. September 1989) wurr he in den Bundsvörstand wählt; 1991 wurr he stellvertreden Bundsvörsitter vun den Verband, ut de he 2005 uttreden is.

Partei[ännern | Bornkood ännern]

Dorn, de in de NS-Tiet HJ-Führer ween weer un mit 18 Johren 1942 Liddmaat vun de NSDAP wurr (Liddmaatsnummer 9.320.655)[2], is 1948 de FDP bitreden. In de 1950er un 1960er Johren weer he Kreis- un Bezirksvörsitter vun sien Partei. 1970 wurr he för een Amtsperiood (bit 1972) to'n stellvertreden Landsvörsitter vun de FDP in Noordrhien-Westfalen wählt.

Afoordneter[ännern | Bornkood ännern]

Dorn hörr van 1951 bit 1965 den Stadtraat vun Werdohl an. Van 1962 bit 1968 weer he todem Kreisdagsafordneter in' Kreis Altena. Van 1955 bit 1961, van 1975 bit 1980 as ok van 1985 bit 1995 weer he Landdagsafordneter nun Noordrhien-Westfalen.

Van 1061 bit 1972 weer Dorn Liddmaat vun den Düütschen Bundsdag, in de he immer över de Landslist Noordrhien-Westfalen intrucken is. Hier weer he van 1962 bit 1968 Voörsitter vun den FDP-Fraktschoonsarbeitskreis Innenpolitik un van 1968 bit 1969 stellvertreden Vörsitter vun de FDP-Bundsdagsfraktschoon.

Apenlich Ämter[ännern | Bornkood ännern]

Van 1953 bit 1955 weer Dorn Börgermeester vun Werdohl.

An' 22. Oktober 1969 wurr Dorn as Parlamentarisch Staatssekretär bi den Bundsbinnenminister in de vun Bundskanzler Willy Brandt führt Bundsregeeren beropen.

In' Sömmer 1972 keem Dorn wegen en Beraderverdrag mit den Heinrich Bauer Verlag in apenlich Kritik un is dorum an' 31. August 1972 vun sien Amt torüchtreden. 1974 stell sück aber nah Afsluss vun mehreren Zivilprozessen un en instellt Ermittlungsverfohren sien Schuldlosigkeit herut.

Utteknungen (Utwahl)[ännern | Bornkood ännern]

  • 1965 Golden Ehrennadel un Ehrenplakette vun den Verband vun de Heimkehrer un Kriegsfangenen
  • 1969 Golden Ehrenring vun den Landkreis Altena
  • 1972 Ehrenplakette vun de Universität Hiroshima
  • 1972 Ehrenmedaille vun de Stadt Hiroshima
  • 1995 Groot Bundsverdeenstkrüüz mit Steern vun den Verdeenstorden vun de Bundsrepubliek Düütschland

Weblenken[ännern | Bornkood ännern]

Wolfram Dorn. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Traueranzeige Dorn
  2. Helmut Gewalt: Angehörige des Bundestags / I. - X. Legislaturperiode ehemaliger NSDAP- & / oder Gliederungsmitgliedschaften (pdf-Datei, afropen an' 22. November 2011; 63 kB).