Wolfgang Sieg

Vun Wikipedia
Zur Navigation springen Zur Suche springen

Wolfgang Sieg (* 22. Oktober 1936 in Hamborg; † 11. September 2015 ok dor) weer en düütschen Schoolmeester un Schriever.

Opwussen is Sieg in Quickborn un Hamborg. He hett in Hamborg un Kiel de Fächer Theologie, Philosophie, Germanistik un Historienwetenschop studeert un denn as Schoolmeester in un üm Elmshoorn. Op en ehmoligen Buernhoff in Seester, ’n beten af vun de velen Lüüd, hett he de Roh funnen, vele vun sien Warken to schrieven, bevör he wedder torüch na Elmshoorn togen is. Dor leev he lang mit sien Familie.

In de Mitt vun de 1960er Johren hett he anfungen, Höörspelen op Plattdüütsch un Romanen op Hoochdüütsch to verfaten. Man kennt em as Schriever vun satirsche un humoristische Kortgeschichten, de he op Hoochdüütsch, Plattdüütsch un Missingsch schreven un leest hett. Bekannt worrn is Wolfgang Sieg as Kolumnist för de Satiretietschrift Pardon (1972 bit 1980), as Schriever vun sammelte Geschichten un as Mitarbeider vun de Sennenreeg Hör mal ’n beten to in’t Radioprogramm vun’n NDR. Af und to schreev he ok satirische Glossen in dat Heimatdaagblatt „Elmshorner Nachrichten“. 1994 un 1999 hett Sieg den Hans-Henning-Holm-Pries un 2007 den Nedderdüütschen Literaturpries vun de Stadt Kappeln kregen.

1991 hett Sieg an’t Dreihbook vun den Film Karniggels mitarbeidt un dor ok en lütte Nevenrull in speelt.

Warken[ännern | Bornkood ännern]

  • Der Mann in der Anschlagsäule, 1967
  • Säurekopf, 1968
  • Wahnungen, 1974
  • Siegfrieds Tarnkappe, 1976
  • Die Geheimorganisation, 1976
  • Blutfleck auffe Häkeldecke, 1977
  • Schön leise sein beim Hilfeschrein, 1978
  • Der wahnsinnige Rhabarber, 1980
  • un hool dat Muul von Politik, 1982
  • Rech (Proost), 1983
  • Sigi Sünnschien sien Stories, 1985
  • Struwwelpeters Haarausfall, 1986
  • Dr. Eternus, 1987
  • Ohlsdorf lebt, 1989
  • Engel inne U-Bahn, 1992
  • Överall Bockelbüttel, 1995
  • Schräge Vögel, 1996
  • Wahnsinnige Geschichten, 1999
  • Luter lütte Katastrofen, 2003
  • Luter lütte Sünnenstrahlen, 2004
  • Dat kannst ruhig luut seggen! Jung, Kiel 2006, ISBN 3-89882-067-X
  • De deit di nix, de will bloots speln! Jung, Kiel 2008, ISBN 978-3-89882-095-0