Wolf-Dieter Tempel

Vun Wikipedia

Wolf-Dieter Tempel (* 15. August 1937 in Celle; † 7. März 2017 in Worth) weer en düütschen Archäoloog.

Tempel is 1937 in Celle boren un hett 1956 bet 1958 en Lehr as Landschopsgoorner maakt. He hett sik aver dull för de Archäologie intresseert un hett op’n Tweten Bildungsweg sien Abitur namaakt un denn Ur- un Fröhgeschicht, Völkerkunn, Volkskunn un Anthropologie an de Universitäten Göttingen un Tübingen studeert. 1969 hett he sien Dokterarbeid to dat Thema Die Dreilagenkämme aus Haithabu – Studien zu den Kämmen der Wikingerzeit im Nordseeküstengebiet und Skandinavien schreven.

He hett 1970/1971 bi de Röömsch-Germaansche Kummisschoon in Frankfort arbeidt un denn von 1971 bet 1973 as Bezirksarchäoloog för den Regerungsbezirk Ossenbrügge un von 1974 bet 1979 as Bezirksarchäoloog för den Regerungsbezirk Lümborg. Von’n 1. November 1979 bet to sien Rohstand an’n 31. August 2002 weer Tempel Baas von de Kreisarchäologie von’n Landkreis Rodenborg.

An’n 2. März 2005 hett Tempel dat Ehrenteken von’n Landkreis Rodenborg in Gold kregen.