Windmöhl Beers

Vun Wikipedia
Zur Navigation springen Zur Suche springen
Windmöhl in Beers

De Möhl in Beers is en Galeriehollanner-Windmöhl op’n Möhlenbarg in Beers, de fröher as Koornmöhl bruukt worrn is. Egendömer von de Möhl is de Stadt Geestland.

De Möhl is as Bodenkmaal schuult. Se steiht op en Geestrügg, de von Natur ut al bet op 31 Meter över NN reckt. De Möhl sülvs is tosätzlich bet na’n Fast 16,50 Meter hoog. Mit de 11,50 Meter langen Flögels is de Möhl allens tohoop 27 Meter hoog.

Historie[ännern | Bornkood ännern]

Dat eerste Maal in de Oorkunnen kummt en Windmöhl op’n Möhlenbarg in dat 16. Johrhunnert vör. Tosätzlich hett dat noch en Peermöhl in Beers geven, von de noch de Stratennaam Peermöhlendamm tüügt. De Windmöhl weer en Buckmöhl. De Möhl weer Amtsmöhl von dat Amt Beers.

De Buckmöhl is 1881 na en Blitzslagg afbrennt. In dat Johr leet de Möller Hinrich Reysen den hüdigen Galeriehollanner mit Windroos an de sülve Steed nee boon. De Möhl hett 1927 en Elektromotoor kregen. To de Tied weer A. Bernd de Möller. Bet 1950 is de Windkraft noch bruukt worrn. Na disse Tied blots noch de Motoor. 1956 hett de Möller D. Koröde de Möhl an Adolf Vick verpacht, de ehr noch bet to sien Dood 1987 wieder bedreven hett. Koröde weer wieder Egendömer. 1968 hett Koröde de Möhl denn an de Gemeen Beers verköfft. 1984 hett de Möhl en neet Reetdack un en ne’e Windroos kregen un 1988 Flögels ut Stahl.

1990 hett de Gemeen Beers de Möhl an den Verschönerungsvereen Beers von 1896 övergeven. Vondaag warrt de Möhl vör allen as Utstellungsruum bruukt un informeert över de Geschicht von de Möhl. De Technik funkschoneert aver ok noch.

Weblenken[ännern | Bornkood ännern]


Koordinaten:53° 37′ N, 8° 50′ O