Wilhelm von der Osten

Vun Wikipedia
Zur Navigation springen Zur Suche springen

Wilhelm Maximilian Carl Philipp Adam von der Osten (* 29. Dezember 1824 in Neiße; † 25. August 1895 in Charlottenburg) weer en düütschen Offzeer in de Prüüßsche Armee.

Von der Osten is 1824 as Söhn von Auguste, borene von Alvensleben (18. Februar 1793–28. September 1871), un Christoph Bernhard Wilhelm von der Osten (23. September 1785–22. September 1833) in Neiße boren.[1] He is in dat Kadettenkorps utbillt worrn un an’n 9. August 1842 as Portepee-Fähnrich bi dat Kaiser Franz Grenadier-Regiment in de Armee treden.[2] An’n 14. September 1843 hett he den Rang von en Seconde-Leutnant kregen, an’n 22. Juni 1852 von en Premier-Leutnant un an’n 14. Juni 1856 von en Hauptmann.[2] He hett an’n 15. März 1859 dat Leid över en Kumpanie övernahmen un is an’n 1. Juli 1860 in dat neebillte 2. comb. Grenadier-Regiment (later 4. Garde-Grenadier-Regiment) versett worrn.[2] An’n 18. April 1865 is he Major un etatmäßigen Staffsoffzeer worrn.[2] An’n 9. Mai 1865 hebbt se em as Kummandör von dat 1. Batalljoon insett un an’n 27. Mai 1867 von dat Füsilier-Batalljoon.[2] An’n 22. März 1868 hett he den Rang von en Oberstleutnant kregen.[2] He hett an’n 24. März 1870 as Kummandör dat Leid över dat Mekelbörgsche Jäger-Batalljoon Nr. 14 övernahmen.[2] Nadem de Düütsch-Franzöösche Krieg utbraken is, hett he denn aver to’n 18. Juli 1870 as Kummandör dat Leid över dat Infanterie-Regiment Nr. 75 övergeven kregen.[2] Toeerst för de „Duur von dat mobile Verhältnis“, an’n 29. März 1871 denn ganz.[2] An’n 18. Januar 1871 hett he den Rang von en Oberst kregen.[2] An’n 12. Dezember 1872 is he na de Offzeers von de Armee versett worrn.[2]

Von der Osten is an’n 2. September 1873 Kummandör von dat Mekelbörgsche Grenadier-Regiment Nr. 89 worrn un an’n 1. Juni 1875 Generalmajor un Kummandör von de 56. Infanterie-Brigaad.[2] An’n 15. März 1881 is he na de Württembergsche Armee afkummandeert worrn un hett dor an’n 22. März 1881 dat Leid över de 27. Division (2. Königlich Württembergische) övernahmen.[2] An’n 30. März hett he ok noch den Rang von en Generalleutnant kregen.[2] To’n 19. Oktober 1882 is von der Osten in Rohstand gahn.[2]

Von der Osten weer in’n Sleswig-Holsteenschen Krieg 1848, in’n Krieg von 1866 (Gefecht bi Soor, Slacht bi Königgrätz) un in’n Düütsch-Franzööschen Krieg 1870/1871 an aktive Gefechten bedeligt.[2]

He weer Ehrenridder von’n Johanniter-Orden.

Von der Osten hett an’n 20. Januar 1870 in Berlin Marie Freiin von Düsterlohe (8. Januar 1846–24. Mai 1928) freet.[1] De beiden harrn de Kinner Marie (4. Januar 1872–19. Mai 1945), Elisabeth (19. Oktober 1874–7. Januar 1961) un Margarete von der Osten (* 7. August 1878).[1] He is 1895 doodbleven un op’n Invalidenkarkhoff in Berlin begraven worrn.

Footnoten[ännern | Bornkood ännern]

  1. a b c Indrag op einegrossefamilie.de
  2. a b c d e f g h i j k l m n o p Hermann Konrad Eggers: Offizier-Stammrollen des Königlich Preußischen 1. Hanseatischen Infanterie Regiments No. 75 1866–1897. J. Behrens, Bremen 1897, Sied 5