Wilhelm Klußmann

Vun Wikipedia
Zur Navigation springen Zur Suche springen

Ernst Wilhelm Albrecht Julius Klußmann (* 28. Januar 1863 in Ossenbrügge; † 17. April 1941 ok dor) weer en düütschen Jurist, Politiker un Banker.

Klußmann is 1863 as Söhn von en Obergerichtsavkaat in Ossenbrügge boren. 1881 hett he an dat Raadsgymnasium Ossenbrügge Abitur maakt. Klußmann hett denn von 1881 bet 1884 Juristeree an de Universitäten Bonn, Berlin un Göttingen studeert un weer von 1884 bet 1889 Gerichtsreferendar. He is 1898 Gerichtassesser worrn. 1890 is he Börgermeester un Avkaat in Melle worrn un 1891 bet 1894 weer he Senater un Polizeidirekter in Ossenbrügge. 1895 is Klußmann as Biornten na Köln gahn un weer dor bet 1899. Bi dat 2. Hannöversche Ulanen-Regiment Nr. 14 weer he Leutnant von de Reserve.

Klußmann weer von 1899 bet 1917 Börgermeester von Geestmünn un von 1908 bet 1913 Afornten för den Wahlkreis Stood 4 (Leh-Geestmünn) in dat Prüüßsche Aforntenhuus.

Von 1913 bet to’n 4. September 1933 weer Klußmann as Nafolger von Hans Eyl Vörsitter von’n Hannöverschen Spoorkassenverband. Em in’t Amt aflööst hett Arthur Menge.