Wilhelm-Käber-School

De Wilhelm-Käber-School is de Realschool in’n Oort Hohenlockstedt in Sleswig-Holsteen mit üm un bi 460 Schölers.

Vun dat Schooljohr 2007/2008 af an gifft dat an de Wilhelm-Käber-School för ene sösste Klass den Geschichtsünnerricht kumplett op Plattdüütsch. Den Ünnerricht maakt de Rekter Heiko Gauert.

Historie

De School is as Volksschool in dat Lockstedter Lager grünnt worrn. Dat Lager weer en Truppövenssteed, de later opgeven worrn is. De Wahnhüüs in dat Lager hebbt denn dat Dörp Hohenlockstedt billt. 1950 is en Opbotog för de Klassen 7 bet 10 grünnt worrn, de 1956 as vull utboote Opbotog goodkennt worrn is. 1969 hett de School en nee Huus kregen. Dat weer nu ene Hauptschool mit Opbotog. Vun 1970 af an weer de Opbotog en vulle Realschooltog för de Klassen 5 bet 10. 1972 is de School in en Grundschool un de Hööftschool opdeelt worrn. 1976 is en Anbo to de School tokamen, mit acht Klassenrüüm un welk Fackrüüm. Ok de Hööftschölers ut Hennstedt kemen nu na Hohenlockstedt un ut de Hauptschool mit Realschooltog is denn en Realschool mit Hööftschooldeel worrn.

De Naam Wilhelm-Käber-School na Wilhelm Käber hett de School 2004 kregen.

Siet 2005 is de School denn ok ene apene Ganzdagsschool wesen. De Grundschool un de Gustav-Heinemann-School hebbt ok Andeel an dat bott vun de Ganzdagsschool. Dorto gifft dat denn ok noch wedder en niegen Anbo för de Wilhelm-Käber-School.

Weblenken

• Websteed vun de School (hoochdüütsch)