Wikipedia Diskuschoon:Wikiprojekt Öörd/Midden-Werserland

Ik hebb de Naams vun de Behörden in Deefholt up Anfraag hen kregen. De wecken Naams weet ik ok vun de Naberschop her.--Bolingbroke 01:13, 29. Sep. 2008 (CEST)

De Deefholters hefft jem ehre Naams nahmen ut:

• Lulosch, Gerhardt, Die Siedlungsnamen des Landkreises Diepholz, Syke, 1988 un
• Dienwiebel, Herbert und Streich, Brigitte, Geschichtliches Ortsverzeichnis der Grafschaften Hoya und Diepholz, Hildesheim, 1988

För den ganzen Süüdkreis Deefholt (de Samtgemeenden Baarnstrup, Lemförde, Rehrn, Karkdörp un de Stadt Deefholt hett Friedhelm Hardemann ut Rehrn mi en List tostüürt. He is Liddmaat bi'n Heimatvereen dor. Wat de Schrievwies angeiht, hebb ik süms hen un wenn wat na de Regeln vun Sass ännert. Wenn up de Listen t.B. Baarnborch steiht, schriev ik dor Baarnborg för. Just so bi Growech: Dat heet bi mi (na Sass) Groweg. Ut -huusen hebb ik -husen maakt (open Sülv). Diphtongen as bi -brouk statts -brook hebb ik stahn laten. En Fraag blifft bi mi dat -e an'n Enne vun Öörd as Süste, Bookste un Henste. De Naams sünd afsleten vun de öllern Formen Süstede, Bookstede un Henstede. So, as de nu in miene Listen staht, will een de vun'n Geföhl her utspreken mit en kort -e an'n Enne. Dat is avers doch verkehrt, dücht mi. Nu weet ik nich, ob dat nich beter weer, wi bruken dor en dubbel-e: Süstee, Henstee usw. Ik hebb dat avers eerst mol so laten, as dat in de Listen steiht.

Up jeden Fall gifft dat tomeist mehrere Naams för de Dörper/Städer, je nadem wo de Naam bruukt warrt. Dorüm staht nu ok verscheden Naams achter een hoochdüütschen Oortsnaam. --Bolingbroke 10:50, 30. Sep. 2008 (CEST)

Dat kummt vun -stede. Aver dat is noch nich seggt, dat dat e lang is. Oder weest du dat genau, dat dat lang wesen mutt? Bi uns in'e Gegend in Landkreis Stood un Cuxhoben heet dat ok Loomst oder Lox för dat, wat fröher Lamstede un Loxstede weer. Dor hebbt wi also Lamstede -> Lamste'e -> Lamstee -> Lamste un denn noch de Apokoop na Laamst. Twischendör weer dor also en kort e an't Enn. Villicht is dat bi Süste jüstso, blot dat dat dor noch keen Apokoop geven hett. Is swoor to seggen. Ik heff bi miene List vun dat Nds. Wb. ok faken överleggt, wat dat nu en kort oder en lang e an't Enn wesen schall. --::Slomox:: >< 17:17, 30. Sep. 2008 (CEST)

Noch wat: De Listen hefft de Naams vun de Öörd to de Samtgemeenden toordent. Also de Naams för de Samtgemeende Swabern staht in miene Listen al unner Swabern un sünd nich ut'nannerplünnt na de enkelten Gemeenden. Wenn ik nich wüss, to wat for'n Gemeenden in de Samtgemeenden de Öörd nu tohöörn döen, denn staht se unner de Överschrift Öörd ut de Samtgemeende, wo de Gemeende nich bekannt is. Wen dat weten deit, de schall dat gau umtüdeln. --Bolingbroke 00:08, 2. Okt 2008 (CEST)

Grr.Worüm haut dat denn nu mit de Refs nich hen?--Bolingbroke 19:04, 7. Okt 2008 (CEST)

Wo noch Refs fehlt

Bi Döhren, Groten Hollwä'e, Groten Hollwä'r, Aapwisch, Groweg, Moorhüser(n), Beien, Baiken, Bajen, Falkenborg, Finkenbarg, Gessel, Rist, Syke, Broubm, Neerensett, Stemweder Moor, Knaw, Heitmannshüsern, Nee Holte, Essen, Hogenmoor, Kuhlenkamp, Uepsen, Brookhöben, Brookmöhlen, Hilgenbarg, Hogenkamp, Holthuus, Vossbarg, Engeln, Scholen, Hollen, Swarm, Spraken, Hakenmoor, Hokenmoor, Karkdörp, Kaddörp, Brunsbarg, Düversbrouk, Heidmoor, Wetschkerwischken, Ehrenborg, Kantrup, Neenkarken, Mellgenhusen, Sie’enborg, An'n groden Heerweg, Barkendamm, Fohrnhoss, Moordiek, Stuhrreeg, Warw, Komoor, Föllingen, Hoge, Uphusen un Ri'e fehlt de Refs noch.

Un denn is mu Uppen Kmbarge opfullen: Is dat en Tippfehler oder schall dat bedüden, dat in de Sülv Km de Vokaal meist gornich mehr to höörn is? --::Slomox:: >< 17:32, 3. Nov. 2008 (CET)

Hollen

Wat is dat denn för'n Hollen, dat ünner de Överschrift "Diepholz" steiht? Gifft dat veer Hollens in'n Landkreis Deefholt oder is dat ut Versehn mit rinkamen? Ik kann blot welk in Eidelstee, Mattfeld un Brooksen-Vilsen finnen. --::Slomox:: >< 21:26, 6. Apr. 2009 (CEST)