Wikipedia Diskuschoon:Speelwisch

Nu vergeiht mi dat Pläseer an de Wikipedia. Ik weet nich, wor ik enen neen Artikel anfangen schall. Ik heff dat in de Speelwisch versocht, aver dar kann de Artikel jo nich stahn blieven. Un denn kaam ik mit dat Infögen von Biller nich trecht. Wenn ik up "Vörschau" klick, kummt dar woll de rode Indrag, aver de eerste Deel fehlt. Dar steiht bloot: |thumb| un Desscription]] De eerste Deel fehlt. Well kann mi verklaren, wat ik verkehrt maak?--Gemeinold 16:14, 11 Feb 2005 (UTC)

Dat mit den Bild is en ganz fiese Saak, denn dat mutt "Image" heten un nich "Bild". Dat kann man nich weten, wenn man dat nich weet ;) Denn de Software is blots to'n Deel no Plattdüütsch översett. Üm den Artikel antoleggen, maakst du in en annern Artikel en Link un klickst dor op. Wenn de Link op den niegen Artikel narms rinpasst, denn kannst du ok in de Adresslien vun dien Browser de Naam intippen, also to'n Bispeel statt "http://nds.wikipedia.org/wiki/Wikipedia_talk:Speelwisch" schrievst du dor "http://nds.wikipedia.org/wiki/Bernhard Winter" rin. Denn Enter drücken. Ik hoop, dat dat hülpt. --::Slomox:: >< 22:33, 11 Feb 2005 (UTC)

Danke, Slomox, nu wil ik dat noch maal versöken mit den Artikel von Bernhard Winter un mit sien Bild. Dat Bild heff ik nich ut Internet, sünnern von ene Postkaart.Gah Jo goot! --Gemeinold 10:32, 12 Feb 2005 (UTC)

List vun Politikers in Polsche Städer

In disse Artikels sünd wahrschienlich nich aktuelle Listen vun Politikers.

• Bielsko-Biała
• Bytom
• Legnica
• Oppeln
• Płock
• Rybnik
• Sosnowiec
• Tarnów

Sarcelles 21:32, 27. Sep 2007 (CEST)

Wat hett dat mit de Speelwisch to doon?

Un wat wist du ännern? Wenn ik dat richtig sehn heff in'n poolschen Artikel, denn sünd op'n 21. Oktober wedder Wahlen. So lang bringt allens ännern doch nix, oder?

Un denn: Wie is dat, so'n poolschen Wahlkreis, hett de de sülven Grenzen as de Stadt? Oder as de Kreis/Powiat? Oder hebbt de mitünner ganz annere Grenzen so as in Düütschland? Wenn de annere Grenzen hebbt, schöölt de Wahlkreise egene Artikels hebben un de Sejm-Maten dor bistahn, nich in de Stadtartikels. Wenn Wahlkreise desülven sünd as de Kreise, denn schöölt se dor bistahn. Anners utdrückt: ik bün mi nich seker, wat de Sejm-Maten in de Artikels överhaupt in stahn mööt. --::Slomox:: >< 22:38, 27. Sep 2007 (CEST)

Dat gifft egenstännige Wahlkreise in Polen: pl:Polskie okręgi wyborcze. Na mien Verschääl schöölt de Listen ut de Stadtartikels also beter rut. --::Slomox:: >< 22:51, 27. Sep 2007 (CEST)