Wikipedia:Wat Wikipedia is un wat se nich is

Vun Wikipedia
Wesseln na: Navigatschoon, Söök

Wikipedia is en Enzyklopädie, dat heet, se is en Wark, dat dat Weten vun de Welt mööglichst vullstännig dorstellen schall.

Se hett dorbi den Grundsatz vun NPOV (neutral point-of-view, Neutralen Standpunkt), wat heet, dat keen Oordelen över de dorstellten Saken fällt warrn dröfft, sünnern versöökt warrn mutt, de Fakten dortostellen. Dorto köönt ok Menen vun Gegners und Försprekers höörn, wenn disse as solke kenntlich maakt sünd.

Dat besünnere an Wikipedia is, dat elkeen dor an mitwarken kann. Dat bargt sünnerliche Chancen aver ok Gefohren. Elkeen, de de Wikipedia schaden will, hett licht Speel un kann Texten ib böös Afsicht verslechtern. Dorüm mööt de goodwilligen Bruker sünnerlich Acht geven, dat keen Schäden entsteiht.

Wikipedia is aver keen

  • Messhümpel
  • Huussiedenserver.
  • Wikipedia is keen Wöörbook oder Lexikon, dat heet se bruukt hele Sätz un verkloort nich enkelte Wöör. Also nich: Kanarienvagel pl. -s, Huusdeert, dat flegen kann, sünnern en längeren Text, in den ok wat över de Levenswies, den Levensruum un so wieder binnensteiht.
  • Wikipedia is keen Handbook, dat verkloort, woans wat to maken is. Also keen Siet Woans bo ik en Vagelhuus oder Woans installeer ik en nee Fastplatt un ok kene för Kookrezepten etc. Dat heet nich, dat du kenen Artikel över Gulasch schrieven dröffst, aver dor schall denn nich binnensteihn: To de 500 g Swienfleesch warrt 50 g lütt snedene Zibbeln geven. beter is to'n Bispeel, wenn dor steiht: Gulasch besteiht ut Fleesch (mehrst Swien- oder Rindfleesch) to dat lütt snedene Zibbeln geven warrt.
  • Wikipedia hett kenen Humor, Artikels dröfft nienich lustig ween. Un Ironie hett hier gornix to söken. Döntjes etc. schöölt blots ganz vörsichtig bruukt warrn, wenn se tosätzlich Informatschonen gifft.
  • Wikipedia is keen Gedicht-, Leder- oder Textbook. Längere vullstännige Texten, Gedichten oder Leder schöölt nich in Artikels rinschreven warrn oder sogor de eenzige Inholt vun en Artikel ween. Ok Zitaten schöölt blots toföögt warrn, wenn se temlich wichtig för den Artikel sünd.