Wienkoop

Wienkoop weer en Oort Arvpacht speziell in Oostfreesland.

In de fröhere Neetiet, weer in Oostfreesland dat Buernland to'n grooten Deel in de Hand vun de Landsherrn. Sien Eegendömerstellung kann man mit Bövereegendom (middelhoochdüütsch: oberichheit, lat. dominium maius) beteken, an dat de Buer, de dat bewertschapen deen, en Ünnereegendom (lat. dominium minor) afleiden kunnen. Dat Land wurr denn Hüürland (düütsch: Heuerland), de Buern Hüür oder Huuslüüd (düütsch: Hausleute bzw. Hausmann) nömmt.

Daf afleid Ünnereegendom weer aber all so en fast Eegendömerpositschoon (to verglieken mit dat hüdige Arvpacht), dat de Bövereegendömer, blots en Grundhüür, de sogenannt Wienkoop (düütsch: Weinkauf) fordern kunnen. Anner Rechten harr he nich mehr. Man kann also seggen, dat disse Hüürlüüd de tatsächlich Eegendömer weern.

De Wienkoop sülvst stell dorbi so een Ooort Afgaav an den Landsherrn dor, dat dat bestahn Hüürverhältnis mit den Huusmann dör Dood oder Verkoop ennen see. De Naam röhrt dorher, dat de Köper den Verköper ut dissen Anlass to en Umdrunk inladen muss.

För de Tiet van 1550 bit etwa 1810 bestaht dör de Wienkoopprotokolle good Kenntnisse över de Eegendomsverhältnisse, wat ok hüdtodag wichtig för de Ahnenforschung is.

Born

• Friesische Heimat van 23. August 2007 (Bilaag in Anzeiger för Harlingerland)