Werst

Vun Wikipedia

Eene Werst (russ. „Верста“, Toon up de leste Sülve) is en oolt Längenmaat in Russland unner de Zaren ween.

As dat fastleggt wurrn is, hett man sik up de Breede an'n Äquator betrocken. In ole Schriften steiht to lesen: „104 1/6 Werst gaht up een Grad an'n Äquator“[1] In densülvigen Born warrt de Werst umrekent up eene düütsche Miele oder eene geographische Miele, dat sünd denn „gegen 7 Werst“.

Een Werst sünd akraat 1066,78 Meter ween. Updeelt weer en Werst in 500 Saschen (russ. Сажень) (dt. Faden). Een Saschin weern wedder 3 Arschin (russ. Аршин), dat sünd 2,1337 m. Dormit is denn een Arschin 71,12 cm ween. Eene russische Miel hett 7 Werst harrt, dat sünd denn akraat 7,4676 km ween.

Belege[ännern | Bornkood ännern]

  1. Allgemeine deutsche Real-Encyklopädie für die gebildeten Stände. Conversations-Lexikon; 10. Auflage 1853, F. A. Brockhaus Leipzig, Band 15.2, S. 175