Wapen vun Botswana

Vun Wikipedia

Dat Wapen vun Botswana is in de Form, as dat op dat Bild wiest warrt, siet den 25. Januar 1966 in Bruuk.

Dat Land Botswana warrt vun veel Wööst innahmen, so dat de Besitt oder dat Fehlen vun Water in dat Land en grote Rull speelt. Dat warrt ok in dat Wapen opfallen thematiseert.

Beschrieven[ännern | Bornkood ännern]

Dat Wapen wiest en spitzovalen lichtblauen Wapen mit dree waagrechte Bülgenbalken in de Mitt. Doröver sind dree graue Tähnrööd dorstellt, dorünner en brunen Stierkopp mit sülvern Langhöörn. De Schild warrt an de Sieten vun twee oprechte Zebras mit swart-witte Striepen un swarte Hoven hollen. Dat (heraldisch) rechte Zebra hollt twüschen de Vörderlööp en goldenen Elefantenstööttähn, dat (heraldisch) linke hollt en rode Sorghumohr.

Ünner den Schild is en blau Spröökband, op dat mit swarte Schrift de Wahlspröök Pula („Regen“) steiht.

Bedüden[ännern | Bornkood ännern]

De Form vun den Schild folgt de traditschonelle Form vun den Schild vun de Tswana, wobi de Bülgenbalken för de roren Waterlööp staht. De Rinnerkopp betekent dat Veeh, dat bi de Buern in Botswana vörherrschen deit, wiel de Tähnrööd en Telen för de moderne Industrie sünd.

De inheemsche Deerwelt warrt dör de Zebras un den Elefantentähn dorstellt, wiel de Sorghumhirse en Feldfrucht is, de in Botswana begäng is. Dat Woort Pula op dat Spröökband wiest op de grote Bedüden vun den Regen hen. Dat Woort „Pula“ is in’t Land ok en verbreedten Grööt un butendem is Pula dat ok de Naam vun de Geldsoort in Botswana.