Walter Hieber

Walter Otto Hieber (* 18. Dezember 1895 in Stuttgart, † 29. November 1976 in München) weer en düütschen Chemiker.

Biografie

Walter Hieber weer boren as de Söhn vun den Paster, Rieksdagsafordenten un lateren Kultusminister un Staatspräsidenten vun Württemberg Johannes Hieber. Wieland hett in dat Johr 1924 bi Rudolf Weinland (1865-1936) in Tübingen sien Dokter maakt. In Tübingen is he ok, jüst so as sien Vadder, Liddmaat vun de Verbinnen Normannia Tübingen worrn. Dorna folg he sien Doktervadder na Würzburg. Na sien Habilitatschoon is he Dozent in Heidelbarg worrn un 1935 Direkter vun’t Anorgaansch-cheemsche Institut an de Technischen Universität München.

Hieber is de Grünner vun de Metallcarbonyl-Chemie. He hett ünner annern de so nöömten Metallcarbonylhydriden opdeckt as H₂Fe(CO)₄ oder HMn(CO)₅. He hett de Basenreakschonen vun de Metallcarbonylen kennt un hett wichtige Bidrääg bröcht för de Synthees vun tallrieke Metallcarbonyl-Verbinnen as Re₂(CO)₁₀.

1951 is he mit den Alfred-Stock-Gedächtnispries vun de GDCh uttekent worrn. Vun sien Schölers sünd teihn later ok Professers worrn. Een dorvun weer de latere Nobelpriesdräger Ernst Otto Fischer.

Böker

• Über Komplexverbindungen des dreiwertigen Eisens mit unterphosphoriger Säure, Dissertatschoon, Tübingen 1919
• Zur Kenntnis der chemischen Reaktionen des Eisencarbonyls, Habil.-Schrift, Würzburg 1929

Weblenken

• Literatur vun un över Walter Hieber in de Düütschen Natschonalbökeree