Vitus-Kark (Belen)

Vun Wikipedia
Zur Navigation springen Zur Suche springen
Kark in Belen
Luftbild von de Kark (2012)

De Vitus-Kark is de Kark von dat evangeelsch-luthersche Kaspel Belen (Karkenkreis Hadeln). Ehren Naam hett se von’n Hilligen Vitus.

De Kark is as Bodenkmaal schuult (List von de Denkmaals in de Gemeen Belen).

Historie[ännern | Bornkood ännern]

Belen kummt an’n 23. März 1377 toeerst in de Oorkunnen vör un is to de Tied al en egen Kaspel.

Von 1937 bet 1977 hett de Karkengemeen to’n Karkenkreis An de Oost tohöört un is sietdem Deel von’n Karkenkreis Hadeln.

Örgel[ännern | Bornkood ännern]

De Vitus-Kark harr al in dat 16. Johrhunnert en Örgel. Wokeen de Örgel boot hett, dat is nich överlevert. 1717 hett Arp Snitger sien Gesell Rudolf Meyer för 300 Mark de Örgel utbetert un 1741 Dietrich Christoph Gloger för 55 Rieksdaler. De is 1783 bet 1786 von Georg Wilhelmy nee boot worrn. Von de ole Örgel hett he aver en poor von de Piepen ok wedder för de ne’e bruukt. 1844 hett Philipp Furtwängler de Örgel repareert.

1905 hett de Firma Furtwängler & Hammer en ne’e Örgel in’n Stil von de Romantik boot. 2001 hett Rowan West en ne’e Örgel boot, de aver den olen Prospekt von 1786 bewohrt hett. 2004 weer de twete Boafsnidd trech. In de Örgel sünd ok jümmer noch de Piepen ut dat 16. Johrhunnert bewohrt.[1]

De Örgel hett en II/p-Manual un ölven Registers.

Pastoorn[ännern | Bornkood ännern]

[2]

  • ~1470 Jacob Pekesale
  • ~1492: Lüder Herers
  • ~1559: Johann Kamphusen
  • ~1582: Christoff Gimbach
  • ~1605/1606: Martin Torgovius
  • 1606–1617: Jakob von Anden
  • 1617–1646: Melchior Mejer
  • 1646–1653: Jakob Reburg
  • 1654–1658: Henning Schröder
  • 1659–1675: Arnold Steinweg
  • 1675–1681: Johann Eberhard Meyer
  • 1681–1692: Christian Bohlmann
  • 1692–1706: Ditmar Welle
  • 1706–1719: Johann Heseler
  • 1720–1746: Otto Ludewig Franck
  • 1746–18. Februar 1759: Georg Hinrich Sperling
  • 1759–: Christian Ulrich Blech
  • 1801–1827: Diedrich Basilius Mestwerdt
  • 1828–1833: Carl Hinrich Heemsoth
  • –1854: Georg August von Ahsen
  • 1913–1921: Otto Strecker
  • opstunns: Uwe Beuermann

Kaspel[ännern | Bornkood ännern]

To dat Kaspel Belen höört de Öörd un Hööv Belen, Belener Schanz, Belenerdiek, Belenerwisch, Bahrdörp, Kammdiek, Esch, Föfftendeel, Freudendaal, Hollannerhoff, Königswisch, Mollfeld, Noordhörn un Westerndörp.

De Naverkaspels sünd Balje in’n Oosten, Neehuus in’n Süüdoosten, Kedenbrook in’n Süden, Oosterbrook in’n Süüdwesten un Oterndörp in’n Westen.

Footnoten[ännern | Bornkood ännern]

  1. Örgel op nomine.net
  2. Johann Heinrich Pratje: Die Herzogthümer Bremen und Verden. Gerhard Wilhelm Rump, 1759

Weblenken[ännern | Bornkood ännern]

Commons-logo.svg Vitus-Kark. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 49′ N, 8° 60′ O