Victoria Principal

Vun Wikipedia
Wesseln na: Navigatschoon, Söök
Victoria Principal, 1987

Victoria Principal (* as Concettina Ree Principale 3. Januar 1950[1] Fukuoka, Japan) is en US-amerikaansche Schauspelersche, Produzentin un Schrieversche.

Leven un Wark[ännern | Bornkood ännern]

Principal is de öllere vun twee Döchter vun den US-amerikaanschen Air Force-Sergeant Victor Principal un sien Fro Bertha Ree Veal. Ehr Afstammen is en Mischen vun italieensch, engelsch un philippinsch. Ehr Vadder is faken an verschedene Öörd insett worrn, dorüm is Principal ok in verschedene Städer groot worrn. Ünner annern is se in London, Florida, Puerto Rico, Massachusetts un Georgia opwossen. Miet fief Johren hett se dat eerste mol in en Warfspot mitspeelt un dor den eersten Kuntakt mit de Schauspeleree hatt.

Wiel ehr Highschool-Tiet is se Fotomodell worrn. Mit 19 Johren is se as „Miss Miami“ wählt worrn. Dorna is se na New York City gahn un hett dor as Mannequin un Schauspelersche arbeit. Een Johr later, 1970, hett se för’t Playboy-Magazin poseert.

In’t Johr 1972 harr Principal ehr eerste Filmrull in den Speelfilm The Life and Times of Judge Roy Bean vun John Huston. Se speel dor in de Siet vun Paul Newman un Anthony Perkins un weer glieks för den Golden Globe vörslahn. 1973 speel se en Naaktszeen in den Film The Naked Ape. Een Johr later harr se mit ehr Rull in Earthquake ehrn Dörbrook. Na wietere lütte Rullen speel se vun 1978 bit 1987 „Pamela Barnes Ewing“ in de US-amerikaanschen Feernsehreeg Dallas.

Anfang vun de 1980er Johren weer se en Tiet lang mit Andy Gibb tosamen. 1985 hett se den bekannten Schönheitschirurg Harry Glassman heiraat. De Eh is 2006 scheedt worrn.

Filmografie (Utwahl)[ännern | Bornkood ännern]

Johr Titel Synchroonsnacker
1972 The Life and Times of Judge Roy Bean
dt.: Das war Roy Bean
 
1973 The Naked Ape  
1974 Earthquake
dt.: Erdbeben
Joseline Gassen
1976 I Will… I Will… For Now
dt.: Ich will, ich will… vielleicht?
Dagmar Heller
1976 Vigilante Force
dt.: Das Gesetz sind wir
Beate Menner
1980 Pleasure Palace, Feernsehn
dt.: Alles oder nichts
 
1982 Not Just Another Affair, Feernsehn
dt.: Auf einmal ist es Liebe
 
1978-87 Dallas, Feernsehreeg Beate Menner
1987 Mistress, Feernsehn  
1989 Naked Lie, Feernsehn
dt.: Nackte Lügen
 
1989 Blind Witness, Feernsehn
dt.: Blinde Zeugin
 
1990 Sparks: The Price of Passion, Feernsehn
dt.: Der Preis der Leidenschaft
 
1991 Don’t Touch My Daughter, Feernsehn
dt.: Das Gesetz der Angst
Beate Menner
1992 The Burden of Proof, Feernsehn  
1993 River of Rage: The Taking of Maggie Keene, Feernsehn
dt.: Atemlose Flucht
Beate Menner
1995 Dancing in the Dark, Feernsehn
dt.: Glaub mir!
 
1996 The Abduction, Feernsehn
dt.: Entführung aus Leidenschaft
 
1997 Love in Another Town, Feernsehn
dt.: Verliebt in einen jüngeren Mann
 
1998 Michael Kael contre la World News Company
dt.: Michael Kael – Live aus Katango
 
2000-01 Titans, Feernsehreeg
dt.: Titans – Dynastie der Intrigen
Beate Menner

Utteken[ännern | Bornkood ännern]

Principal hett bit hüüt noch keen Filmpriesen wunnen, man se weer fiefmol nomineert, dorünner tweemol för den Golden Globe. Dat eerste mol weer se 1973 in de Kategorie Veelversprekenst Nawasschauspelersche vörslahn, dat tweete mol 1983 in de Kategorie Best Serien-Hööftdorstellerin – Drama för ehr Rull in Dallas.

Borns[ännern | Bornkood ännern]

  1. Na en Interview op Dallas Interviews is se 1950 boren.

Weblenken[ännern | Bornkood ännern]

Commons-logo.svg Victoria Principal. Mehr Biller, Videos oder Audiodateien to’t Thema gifft dat bi Wikimedia Commons.