Victor Kahn

Vun Wikipedia
Zur Navigation springen Zur Suche springen

Victor Kahn (russisch: Виктор Кан; * 18. Januar 1889 in Moskau; † 6. Oktober 1971 in Nizza) weer en franzöösch Schachspeler van russisch Herkunft.

Kahn hett Russland in de eerst Hälft van de 1910er Johren verlaaten un leet sück 1919 in Frankriek daal, nahdem he tüschendör in Sweden, Däänmark un Düütschland leevt harr. 1930 kreeg he de franzöösch Staatsbörgerschap.

Kahn wunn 1934 de franzöösch Meesterschap in’n Schach (vör Maurice Raizman, Boris Golbérine un Aimé Gibaud) un un hett mit Frankriek an de Schacholympiaden 1931, 1933, 1935 un 1939 deelnommen. Bi de inoffiziellen Schacholympiade 1924 gung he noch as Vertreder van Russland an den Start. Kahn speel för den Nizzaer Vereen Nice Alekhine. Sien höchst historsch Elo-Tall weer 2440 in‘n April 1936.

Kahn schreev ok Böker över dat Schach: La défense du fianchetto dame, La pratique moderne des ouvertures dans la partie d'échecs, La conduite de la partie d'échecs sowie (jewiels tosommen mit Georges Renaud) de Les Echecs, L'Art de Faire Mat, Les Six Candidats au Championnat du Monde, La Partie Espagnole und Les Echecs dans le Monde 1951.

Doröver herut weer he ok as Schachschiedsrichter tätig un hett nah den Tweeten Weltkrieg mehrmals franzöösch Eenzelmeesterschapen leit.

Weblinks[ännern | Bornkood ännern]