Veikko Kankkonen
Esa Veikko Antero Kankkonen (* 5. Januar 1940 in Sotkamo, Finnland) is en ehmalger finnisch Skispringer.
He weer 1963/64 un 1965/66 Gesamtsieger vun de Veerschanzentournee. Bi de Olympisch Winterspelen 1964 in Innsbruck wunn he de Goldmedaille up de Normalschanze (in Seefeld) un de Sülvermedaille up de Grootschanze (an’ Bergisel). Wiel de Nordisch Skiweltmeesterschapen in dat Johr in’ Rahmen vun de Olympischen Spelen utdragen wurrn, wurr Kankkonen so togliek ok Weltmeester bzw. Viezweltmeester. In dat sülvig Johr kreeg he ok de Holmenkollen-Medaille.
Bi de Olympisch Winterspelen 1968 weer he de Flaggendräger vun de finnisch Mannschap, kunn aber kien Medaillen winnen.