Veer- un Marschlanner Rundümwieser
 |
Dat lett so, as wenn disse Artikel nich so akraat is as de ween schull. Kiek up Wikipedia:Pleeg, daar to diskuteren, wat verbetert oder ännert warrn mott. |
De Veer- un Marschlanner Rundümwieser wiest de Beseukers jömmer scheune Hamborger Heimot. De Veer- un Marschlanner Rundümwieser sünd fief (in’t Johr 2026) Froonslüüd, de in Veerlann oder in de Marschlann to Huus sünd. Se weet Bescheed öber de Scheunheiten von jömmer Heimot, kennt de oolen Geschichen un Leeder un woans dat Leben freuer wesen is, as de Buuern noch mit jömmer Scheep (Ewers hebt de heeten) dat Gemüse un de Blomen sülms op den Hoppenmarkt or den Fischmarkt anne Elv verköfft hebt. Dorvon vertellt de Rundümwieser de Beseukers, de sick de Veer-un Marschlann ankieken wöllt. De Veer- un Marschlann finds du in Südosten von Hamborch, dor wo de Elv de Grenz von Hamborch no'n Süden hin is.
De Froonslüüd könnt in hochdüütsch vertelln oder in plattdüütsch, in engelsch oder in hollänsch.
De Rundümwieser sünt in't 1986 von de Hamborger Landfroon afkommen un hebt nu in 2026 jömmer 40-Johr-Jubiläum. Wenn Beseukers mit Busse kommt, fohrt de Rundümwieser mit jöm mit und vertellt wat interessant is öber de Veer- un Marschlann, dormols und hüüttodoogs. De Beseukers könnt sick ok wat ankieken, wenn se müchen, to'n Bispeel:
Een von de scheunen Landkarken, de Sankt Nicolai-Kark to Oolgamm is gewiss de bekannteste, oder dat Rieckhuus in Corslok, boot in 1533 un nu 'n Museum - oder se kiekt sick 'n Greunhökerbedriev oder 'n Bloomenbedriev an oder se kehrt in'n gemeutlichen Kroog oder 'n Kaffeestuuv in, wonehm dat 'n goode Tass Kaffee oder 'n scheunes Middach geben deit.
De Beseukers seukt sik ut wat se seen müchen und de Rundumwieser wiest jöm dat.
Jümmer wenn dat in de Veer- un Marschlann son Fest as dat Eerbeerfest in Corslok bi dat Rieckhuus (jedes Johr in'n Juni) oder as den Ümtoch jedes Johr to'n Erntedank in Kirchwarder geben deit, sünd de Rundümwieser ok mit dorbie, helpt de Landfroonslüüd und antert de Froogen von de Beseukers.
Und wenn de VHH in April, Mai, Juni un September sien Oldtimer-Fohrten mit historische Busse von Bardörp dör de Veer- und Marschlannen anbeeden deit, föhrt jümmer een von de Froonslüüd mit und vertellt de Beseukers wat öber de scheune Heimot, hüüttodoogs und woans dat freuer wesen is.
In jömmer bunte Rundümwieserdracht sünd de Froonslüüt good to erkenn.