Varietät (Mineral)

Vun Wikipedia
Zur Navigation springen Zur Suche springen

In de Mineralogie is de Varietät en lütte Ännern vun en Mineral in sien Utsehn, Klöör, Transparenz, Kristallgrött oder Kristallindruck. Varietäten kommt dordör tostannen, dat de cheemsch Tosammensetten vun en Mineral mitünner nich ganz rein is. Dat bedüd, dat enkelte Atomen ut dat Kristallgidder dör Frömdatomen ersett warrt, wenn de Smölt, worut ein Mineral verklaamt, en lütt beten verunreinigt ist - tomeist mit Metallen mit den lieken Oxidatschoonstostand. Dat Kristallgidder sülvst blifft dorbi an sik dat glieke, man de Frömdatomen künnt wegen jemehr ünnerscheedlich Atomradius an de Steden, wo se inboot sünd, lütte Ännern veroorsaken, de denn dat Utsehn na buten en beten ännert.

Disse Verunreinigen maakt blots en ganz lütten Andeel an de cheemsch Tohopensetten ut, un ännert ok den gesamten Indruck vun’t Gidder nich. Dorüm is dat egentlich dat lieke Mineral man even in en annere Varianten. Varietäten, de faken antofinnen sünd, hebbt tomeist ok en egen Naam. Vun’n Quarz gifft dat t. B. en ganze Reeg vun Varietäten, wovun Bergkristall, Citrin, Rosenquarz, Rookquarz un Amethyst blots en poor sünd.