Vörlaag:Hööftsiet/utwählt Artikel dissen Maand/nds-nl/2013-05
Grunnen (ook: Grönnen of verhollaandst Grunningen, Nederlaands: Groningen) is n provìnzie in t noorden van Nederlaand mit sikkom 575.000 inwoner en het as heufdstad de lieknoamege Stad Grunnen.
Grunnen grìnst in t noorden aan de Waddenzee, in t noordoosten aan de inhammen Ems en Dollert, in t oosten aan Oostfraislaand (Leegsaksen, Duutslaand), in t zuden aan de Drìnt en in t westen aan Fraislaand.
Bie de provìnzie heuren drij leutje Waddenaailanden: t Oog, De Ploat en Zuderdunen. Aal drije binnen onbewoond deur mìnzen, môr binnen n parredies veur vogels en zeehonden. Noar dizze Waddenaailanden worden joarleks n aantal moalen wadlooptochten organiseerd.