Vörlaag:Hööftsiet/utwählt Artikel dissen Maand/2020-11
Golden Delicious is en Tafelaaftsort vun den Huusappel, de vundaag in'n gewarflichen Anbo in Europa en grote Rull speelt. De Sort is al üm 1890 rüm as Tofallssamling in West Virgina, USA, opdeckt worrn. De Golden Delicious is en Winterappel, de in'n Oktober oornt warrn kann un af Dezember riep is för'n Geneet. Köhlt kann de Frucht bit in'n Juli lagert warrn. De Boom wasst an'n Besten op matig fuchtig Boddens un bruukt an'n leefsten warm Klima mit veel Sünnschien. Ünner diss Ümstännen bringt de Boom veel Büt. Vun wegen sien Anfalligkeit för Schorf is he för'n privaten Goorn nich antoraaten.