Vörlaag:Hööftsiet/utwählt Artikel dissen Maand/2011-05
Dat Rad is een vun de Milensteen in de Historie vun’t Utfinnen. In sien eenfachste Form is en Rad nix anners as en runne Schiev mit’n Lock in de Mitt, dör dat en Ass steken warrn kann. Dordör entsteiht en beweglich Deel, dat so in de Natur keen Vörbild hett. Lange Tiet weer vermoodt, dat dat Rad üm 4.000 v. Chr. vun de Sumerer utklamüstert worrn is, man, wohrschienlich is dat Kunzept an verschedene Öörd gliektietig opdeckt worrn. Dat Rad warrt op verscheden Wiesen bruukt, so as Helpsmiddel bi’n Transport (t. B. Wagen) oder as Bodeelen in Maschienen (ü.a. Tähnrad, Schüffelrad oder Talje).