Uttel

Vun Wikipedia
Zur Navigation springen Zur Suche springen

Uttel is en Oortsdeel vun de Stadt Wittmund vun den glieknamigen Landkreis Wittmund in Neddersassen.

Laag[ännern | Bornkood ännern]

Uttel liggt an den nördlichen Stadtrand vun Wittmund un is siet de kommunale Rebeetsreform 1972 en Deel vun de Stadt Wittmund. Geografisch is Uttel up en Geestutlöper ansiedelt, de östlich vun de Stadt Wittmund in de Masch rinraagt.

Historie[ännern | Bornkood ännern]

Fröhmiddelölleriche Besiedlungen ut dat 8. Johrhunnert sünd in den Nahberoort Hattersum nahwiest. Ok en Borgstäe ut dat Hoochmiddelöller is in Uttel nahwiest wurrn. 1804 wurrd de Oort all up en Koort mit de hüüdig Schrievwies upführt. Ok dat Weegnett um 1800 wiest Uttel all mit en Nebenweg, de vun de Hööftweg Wittmund-Esens aftwiegt, nah. Uttel is kien typisch oostfreesch Karkdörp, so fehlt ok en Goddeshuus.

An' 16. August 1972 wurr Uttel in de Kreisstadt Wittmund ingleedert.[1] Hüüd stellt de Oort en Oortsvörsteiher.

Entwicklung[ännern | Bornkood ännern]

Uttel profiteert dorvan dat dat dicht bi Wittmund liggt. Nee Baurebeeden hemm den Oort bannig upwert.

Sport[ännern | Bornkood ännern]

Uttel hett en Klootscheeter- un Boßelvereen (KBV) mit Naam KBV „Einigkeit“ Uttel e.V., de mit Smieter ut Jöögd- un Utwussenmannschapen an' Mannschaps-Ligabetrieb un an Eenzelmeesterschapen ünner dat Daak vun den Landsklootscheeterverband Oostfreesland deelnimmt.

Enkeld Nahwiesen[ännern | Bornkood ännern]

  1. Statistisches Bundesamt: Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982; Utgaav 1983, Verlag W. Kohlhammer GmbH, Stuttgart un Mainz, ISBN 3-17-003263-1, Sieden 264 un 265