University of North Carolina at Chapel Hill

Vun Wikipedia
Zur Navigation springen Zur Suche springen
Old Well
Bell Tower

De University of North Carolina at Chapel Hill (ok UNC, UNC-Chapel Hill, UNC-CH, North Carolina oder eenfack Carolina nöömt) is en staatliche, forschungsorienteert Universität in Chapel Hill in den US-Bundsstaat North Carolina. Se is de bekannteste Standoort vun dat System vun de University of North Carolina un mit ca. 30.000 Studenten de tweetgröttste Universität in North Carolina. De Universität gellt as en van de oorsprünglich acht Public Ivys. Se tellt to de best Universitäten van de USA un is todem siet 1922 Liddmaat van de Association of American Universities, een siet 1900 bestahn Verbund van führend US-amerikaansch Forschungsuniversitäten. Dat Motto van de Universität is Lux Libertas.

Geschichte[ännern | Bornkood ännern]

De University of North Carolina at Chapel Hill wurr an’n 11. Dezember 1789 as University of North Carolina grünnd, wobi sück de eerst Studenten an‘n 12. Februar 1795 inschreeven hemm. Se tellt dormit to de dree öldsten Universitäten van de USA. Oorsprünglich führ se de Naam „North Carolina University“ un kreeg eerst 1963 hör hüdig Beteken. Ünner Kanzler Kemp Plummer Battle wurr de Universität 1877 en geslechterövergriepend Universität, an de sowohl Fruen as ok Mannlüüd studeeren können. Afroamerikaner weern bit 1951 van en Studium an de UNC-CH utslooten. För Forschungs- un Behandlungszwecke hett de Universität 1952 hör eegen Krankenhuus ünner de Naam „UNC Health Care“ apen maakt, dat sück siet de Grünnen to en Zentrum för Krebsforschung spezialiseert hett. 1979 wurrr dat Usenet as Verbinnen van twee Unix-Rekner an de University of North Carolina un an de Duke University inführt.

Gegenwart[ännern | Bornkood ännern]

Hüüd bütt de Universität Afslüsse in mehr as 70 Fäcker an un umfaat 15 Colleges inklusive dat „College of Arts and Sciences“. De Campus umfaat ca. 3 km2 un befinnd sück in dat Zentrum van de Universitätsstadt Chapel Hill. De Studenten sünd in över 550 offiziell anerkannt Studentengruppen organiseert. De Studentenzeitung The Daily Tar Heel hett mehrere natschonale Utteeknungen wunnen, un de universitätseegen Radiosenner weer de weltwiet eerst Senner, de över dat Internet utstrahlt wurr. Mit mehr as 285.000 levend ehmalgen Studenten hörrt dat Alumni-Nettwark van de UNC to de gröttsten un aktivsten in den USA. De Studenten, Alumni un Sportmannschapen van de Universität sünd as „Tar Heels“ bekannt.

Wohrteeken[ännern | Bornkood ännern]

Een van de Wohrteeken van de Universität is Old Well, en klassizistische Rotunde, de an de Stäe van dat Olt Pütthuus upricht wurr. Old Well ligt an dat Süüdenn‘ van den McCorcle Place, een van de groot Rasenflächen van den Campus, tüschen den Old East Dormitory un den Old West Dormitory. Ok hüüd noch gifft dat in de Midden van de Old Well en Pütt mit Drinkwater, de aber intüschen an de städtisch Waterversörgen anslooten is. De Legende seggt, dat Erstsemestrige, de an‘n eersten Studiendag dor drinken, de nächst veer Johr mit besünners goot Spood afsluuten doon.

En anner Wohrteeken is de Davie-Pappel, en Tulpenboom, de sien Öller up 300 bit 375 Johr schätzt wurrd. Ok hier seggt en Legende, dat die Universität bleu nun gedeihen deiht, solang dat den Boom gifft. Wegen dsse Legende is de Boom hüüd mit Beton utgaaten un mit Stahlseilen mit de ümliggend Bööm verbunnen.

Siet Enn’n van dat 19. Johrhunnert sünd dat so nöömt „Carolina Blue“ (ok „Tar Heel Blue“) un Witt de offiziellen Farven för Wappen un Sportteams van de University of North Carolina at Chapel Hill.

Sport[ännern | Bornkood ännern]

Kenan Stadium van de University of North Carolina in Chapel Hill.
Dean E. Smith Student Activities Center in Chapel Hill (aka Dean Dome)

De Universität is Liddmaat in de Atlantic Coast Conference. Berühmt is de Rivalität mit de Mannschapen van de Duke University. Dat Basketballteam is besünners bekannt. As Studenten hemm de lateren NBA-Stars Mitch Kupchak, Michael Jordan, Jerry Stackhouse, Antawn Jamison, Rasheed Wallace un Vince Carter för de Tar Heels speelt. UNC is en van de wenigen Universitäten in den USA, an de Handball speelt wurr. Van 2004 bit 2006 kunn dat Mannlüüdteam de US-Collegemeesterschapen gewinnen. 2011 hemm de Footballspeler van de UNC sowohl de Regular Season as ok de Postseason in‘n College Soccer van de ACC wunnen.

Bekannt Studenten (Utwahl)[ännern | Bornkood ännern]

Weblinks[ännern | Bornkood ännern]

Commons-logo.svg University of North Carolina at Chapel Hill. Mehr Biller, Videos oder Audiodateien to’t Thema gifft dat bi Wikimedia Commons.

Koordinaten: 35° 54′ 22″ N, 79° 2′ 44″ W