Ulrike Wolff-Gebhardt
Ulrike Wolff-Gebhardt (* 19. März 1947 in Ostroe; † 7. Oktober 2016 in Nörden (Oostfreesland))[1] weer en düütsche Verwaltungsbeamtin.
Gebhardt is 1947 in Ostroe boren. Se hett 1966 bet 1972 an de Universität Göttingen Sozialweertschop studeert un ehr Studium as Diplom-Sozialwirtin afslaten. Se is 1988 Stadtraad in Emden worrn un weer 1992 bet 1994 Stadtdirektersche in Emden. Wolff-Gebhardt weer Liddmaat von de SPD.
Se weer denn von Dezember 1994 bet 2002 Regerungspräsidentin von’n Regerungsbezirk Lümborg. An’n 16. April 2002 hett se dat Amt as Staatssekretärin un Baas von de Staatskanzlie von Sleswig-Holsteen övernahmen. As Ministerpräsidentin Heide Simonis 2005 aftreden is, is ok Wolff-Gebhardt in Rohstand versett worrn. Nadem se in Rohstand is, weer se för de Stiftung Senior Experten Service as Beraderin in’t Butenland aktiv.
Von 1999 bet 2006 weer se Liddmaat von dat Kuratorium von de Hanns-Lilje-Stiftung.[2]
Se weer verheiraadt mit Walter Wolff un hett toletzt in Nörden leevt.
Footnoten
[ännern | Bornkood ännern]- ↑ Traueranzeigen von Ulrike Wolff-Gebhardt | OK-Trauer.de. Afropen an’n 23. Februar 2021 (de-DE).
- ↑ https://www.hanns-lilje-stiftung.de/ehemalige-mitglieder.98.html