Uganda Broadcasting Corporation

Vun Wikipedia

De Uganda Broadcasting Corporation (UBC) is de Anstalt vun dat apentliche Feernsehn un Radio in Uganda. Sien Sitt hett UBC in Kampala.

De UBC gifft dat siet den 16. November 2005 as na dat Uganda-Broadcasting-Corporation-Gesett vun 2005 de staatlichen Senners Radio Uganda un Uganda Television tohoopleggt worrn sünd.

Sien Geld kriggt de UBC dör en Rundfunkbidrag, den de Lüüd in Uganda betahlen mööt. Dat sünd 20.000 Uganda-Schilling (bi 8,40 Euro). Dat Inkasseren vun dit Geld hett de Präsident aver vöreerst stoppt. De Anstalt hängt ganz vun dat Geld af, wat de Regeren ehr towiest.

De UBC bringt den Feernsehsenner UBC TV un de fief Radiosenners Blue Channel, Red Channel, Buteebo Channel, Star FM un Mega FM.

UBC hett bi 50 Mitarbeiders, nadem in’n Juni 2006 bi 200 Lüüd aflohnt worrn sünd. Dorbi hebbt se ok den Buteebo Channel ganz dicht maakt. 1998 harr dat noch 450 Lüüd geven, de dor arbeiden deen.

Weblenken[ännern | Bornkood ännern]