Udo Kier

Vun Wikipedia
Wesseln na: Navigatschoon, Söök
Udo Kier, 2011

Udo Kier (* 14. Oktober 1944 in Köln-Mülheim; as Udo Kierspe) is en düütschen Schauspeler, de sünners för’t Dorstellen vun legen Minschen bekannt is. Kier hett en internatschonale Loopbahn inslahn un in mehr as 200 Feernseh- un Kinofilmen mitspeelt. He höört to de wenigen düütschen Schauspelers, de ok in Hollywood bekannt worrn sünd un dor an de Siet vun vele beropene Filmstars speelt hett.

Leven un Wark[ännern | Bornkood ännern]

In sien Jöögd weer Kier Missdener, Vörbeder un Chorsinger. Geern hett he sik as Fro verkleedt un sminkt un möök to’n Bispeel Caterina Valente na.

Na de School hett he en Utbilln to’n Groothannelskoopmann anfungen un arbeit as Uthülp bi Ford an’t Band. He is denn aver gewohr worrn, dat he mit sien fien Utsehn, sien brunen Locken un de opfallen grönen Ogen ok Geld verdenen künn un arbeit en Tiet lang as Model in’t Moodgewarf.

Op en Ferienreis na Cannes hett he Jean Marais un Arndt vun Bohlen un Halbach drapen. Na egen Vertellen, hett sik Kier en Tiet lang vun Arnst uthollen laten. Mit 19 Johren keem he denn na London un verdeen sien Geld as Kellner. Avends hett he de Schauspeelschool besöcht un drööp dorbi ünner annern den italieenschen Speelbaas Luchino Visconti un den öösterriekschen Schauspeler Helmut Berger.

Sien Bisexualität hett Kier as en Oort Promotion ansehn. In de 1960er Johren drööp he den dormols noch unbekannten Speelbaas un Schauspeler Rainer Werner Fassbinder. In’t Johr 1964 güng he na Rom, woneem he sik to en beropenen Minschen in Illustreerte entwickeln de. Torüch in England harr Kier to’n eersten mol en Filmrull. Dorna güng he in New York op en Schauspeelschool. Mit de Tiet harr he ok gröttere Rullen in Film un Feernsehn. In’t Johr 1973 kreeg he dör Paul Morrissey sien Filmen Carne per Frankenstein un Blood for Dracula en gröttere Bekanntheit.

Sien Hööftwahnsteed harr Kier bi in de 1990er Johren in Köln, woneem he tosamen mit den Maler Michael Buthe un den Videokünstler Marcel Odenbach in en Künstlerkolonie leevt hett. He hett in de 1980er Johren ok Musik maakt un en Schallplaat mit den Titel Der Adler opnahmen, de later in sien eertsen US-amerikaanschen Film My Own Private Idaho noch mol to hören weer, un is mit en Rock-Pop-Programm na Moskau reist. Internatschonalen Spood harr he as Musiker aver nich.

Mit sien Geboortsstadt un mit dat Ruhrrebeet hett he sik all de Tiet verbunnen föhlt. 1988 speel he ünner de Regie vun Christoph Schlingensief in den Film Mutters Maske. Mit den Speelbaas hett he noch anner Filmen dreiht. Mitünner weer he ok in Theaters to sehn un speel Rullen in verschedene Kino- un Feernsehfilmen in Europa. Mit My Own Private Idaho kreeg he denn 1991 in Hollywood en Foot op’n Bodden. In de USA harr he denn tallrieke Film- un Feernsehrullen un dreih ok Warf-Spots. Ok in Europa is he jümmer noch nafraagt un duukt ok af un to in düütsche Filmen op.

2008 hett Kier en ehmolig Schoolhuus in’t döringsche Gehren köfft, in dat he sik bi de Dreiharbeiten to Lulu & Jimi verkeken hett.[1]

Filmografie (Utwahl)[ännern | Bornkood ännern]

Johr Titel Synchroonsnacker
1968 Schamlos  
1970 Hexen bis aufs Blut gequält Norbert Langer
1973 Carne per Frankenstein
dt.: Andy Warhol’s Frankenstein
 
1974 Blood for Dracula
dt.: Andy Warhol’s Dracula
Fred Maire
1975 Histoire d’O
dt.: Die Geschichte der O
Thomas Danneberg
1976 Spermula  
1977 Suspiria Berno von Cramm
Oliver Böttcher (ne’e Szenen)
1980 Nárcisz és Psyché
dt.: Narziss & Psyche
 
1983 Die Insel der blutigen Plantage  
1985 Der Unbesiegbare  
1985 Verführung: Die grausame Frau  
1988 Medea  
1988 Mutters Maske  
1989 100 Jahre Adolf Hitler – Die letzte Stunde im Führerbunker  
1991 My Own Private Idaho
dt.: Das Ende der Unschuld
 
1993 For Love or Money
dt.: Ein Concierge zum Verlieben
Christian Brückner
1994 Ace Ventura: Pet Detective
dt.: Ace Ventura – Ein tierischer Detektiv
Lutz Riedel
1994 Rotwang muß weg!  
1996 The Adventures of Pinocchio
dt.: Die Legende von Pinocchio
sülvst
1997 Betty  
1997 Prince Valiant
dt.: Prinz Eisenherz
 
1998 Blade Erich Ludwig
1999 History Is Made at Night
dt.: Spy Games – Agenten der Nacht
Ronald Nitschke
1999 Unter den Palmen  
2000 Shadow of the Vampire Lutz Riedel
2000 Dancer in the Dark  
2000 Just One Night  
2001 Die Gottesanbeterin  
2001 Critical Mass
dt.: Critical Mass – Wettlauf mit der Zeit
Frank Glaubrecht
2001 Revelation
dt.: Revelation – Die Offenbarung
Ekkehardt Belle
2002 FeardotCom
dt.: Fear Dot Com
 
2003 Gate to Heaven  
2004 One Point O
dt.: One Point Zero – Du bist programmiert
sülvst
2004 Jargo  
2005 BloodRayne Lutz Riedel
2006 Pray for Morning  
2005-07 4 gegen Z, Feernsehreeg  
2009 Lulu und Jimi  
2009 Soul Kitchen  
2011 Der Himmel hat vier Ecken  
2012 Iron Sky sülvst
2010-13 Scooby-Doo! Mystery Incorporated, Feernsehreeg (Stimm)
dt.: Mission Scooby-Doo
Klaus-Peter Grap

Utteken[ännern | Bornkood ännern]

Kier is in’t Johr 2002 mit den Artistic Achievement Award vun’t Philadelphia International Gay & Lesbian Film Festival uttekent worrn.

Literatur[ännern | Bornkood ännern]

  • Udo Kier: Footprints (Bildband in begrenzte Oplaag vun 600 Stück), Köln un New York 1991

Borns[ännern | Bornkood ännern]

  1. Markus Mähler: Warten Steine oder Rosen? In: Freies Wort vun’n 12. Februar 2008

Weblenken[ännern | Bornkood ännern]