Transfuschoonstwüschenfall

Vun Wikipedia
Zur Navigation springen Zur Suche springen

As en Transfuschoonstwüschenfall warrt en unvermoodte Reakschoon vun’n Lief wiel en Transfuschoon betekent. Grundsätzlich warrt dorbi dree Gruppen vun Twüschenfäll ünnerscheedt:

  • De hämolyytsche Twüschenfall is tomeist en AB0-Unverdräglichkeit. Disse Form vun Twüschenfall geiht jümmer op en minschlichen Fehler torüch (kiek bi Bedside-Test). As Symptomen künnt hierbi vörkamen: Allgemeensymsptomen bi Mikrostören vun de Zirkulatschoon (Wehdaag in’t Rebeet vun de Lennen, achter’t Bostbeen oder in de langen Röhrenknaken), Schock, Verbruukskoagulopathie oder en akut Nerenverseggen.
  • De bakterielle oder pyrogene Reakschoon kummt dör kontamineert Blood oder en kontamineert Transfuschoonssystem tostannen. In dissen Fall sünd de Symptomen en Schock, de mitünner al na wenige Milliliter indrapen deit, faken ok en Hämolyys un Fever. Mööglich is ok’n lateren septischen Schaden.