Traan
Traan (f., pl. Tranen) nömt’n de Fletigkeit, de bi’n Minschen oder ok de Söögdeirten vun de Traandrüsen kaamt un de denn de büterste Schicht vun de Ogen, also de Hoornhuut, sund höllt. Dor öber ruut schütt se dat Oog vör Stoff un Tog, to’n Bispill ward jümmers denn wenn een Sand oder Stoff in’t Oog kregen hett, mehr Tranen maakt un dormit allen Frömdkraam utspöölt. Woveel Tranen öber de Tied herkomen doot, liggt an veel ünnerscheedlik Saken. Man denkt bi’n vullwussen Minschen so bet to’n halben Liter pro Dag.
