Titus van Rijn

Vun Wikipedia
Zur Navigation springen Zur Suche springen
Porträt von Titus. Kunsthistorsch Museum, Wien

Titus van Rijn (* 22. September 1641 in Amsterdam; † Anfang September 1668 ok dor) hett as eenzig vun de veer Kinner vun Rembrandt Harmenszoon van Rijn un Saskia van Uylenburgh dat Kindsöller. Titus kummt mehrmals as Modell in Rembrandt sien Biller un Studien vör.

Vör Rembrandt sien Konkurs 1656 överdroog de dat Eegendom an sien Huus an Titus. De fung tosommen mit sien Steefmoder Hendrickje Stoffels en up Rembrandt sien Warken spezialiseerten Kunsthannel an. Titus leet up Drängen vun sien Vader in sien 15. Levensjohr en Testament verfaaten, in de he Rembrandt as alleenigen Arv bestimmen dee.

1668 hett Titus Magdalena van Loo (1641–1669) heiraadt. Hör Vader Jan, en Sülverschmeed, weer en Bröer vun sien Onkels Gerrit van Loo, Afkaat in de Gemeend Het Bildt. Se hemm in en Huus an' Singel bi sien Schwegermoder wahnt. Ut disse Ehe wurr en Kind boren: Titia (1669–1715).

Titus van Rijn is Anfang September 1668 in sien 27. Levensjohr an de Pest storven. He wurr in de Westerkerk begraven. Sien Fru un sien Schwegermoder sünd een Johr later storven.

En Bild vun Titus (Titus an' Schrievpult, 1655) ziert de Titelsiet vun den Bestseller Bildung. Ein Essay vun Hartmut von Hentig.

Weblenken[ännern | Bornkood ännern]

Commons-logo.svg Titus van Rijn. Mehr Biller, Videos oder Audiodateien to’t Thema gifft dat bi Wikimedia Commons.