Thorax (Liddfööt)

Tsetseflege, schemaatsch dorstellt, rutstreken dör sünnerliche Farven sünd de Kopp (vigelett), Thorax (blau) un Achterlief (gröön)

In de Zoologie is Thorax de Naam for de Bost vun en Liddfoot. Ansluten an den Thorax deit sik direktemang dat Abdomen (Achterlief). De Thorax besteiht ut allerhand Segmente. Bi Insekten sünd dat de Prothorax (Vörbost), de Mesothorax (Middelbost) un de Metathorax (Achterbost). An all Thoraxsegmente bi de Insekten sitt je een Paar Been an, an de Middel- und Achterbost butendem noch en Paar Flunken. Dat kümmt avers vör, datt een vun de Flunkenpaare torüchbillt wurrn is, as de Achterflunken bi de Tweeflunken (Diptera). Bi de Taillenwöpsen is de Thorax mit dat eerste Segment vun dat Achterlief tohopenwussen. Dat is meist nich to sehn. Wat dor tosam,enwussen is, warrt denn Mesosoma nömmt. Wenn Kopp un Thorax tohopensmolten sünd, as bi de Spinnen, denn so warrt vun en Cephalothorax snackt.

Literatur

• M. Schaefer: Brohmer. Fauna von Deutschland. Ein Bestimmungsbuch unserer heimischen Tierwelt. Quelle & Meyer Verlag, Wiebelsheim 2000, ISBN 3-494-01295-4.