Thomas Tesdale

Vun Wikipedia
Statue von Thomas Tesdale in de Kark in Glympton

Thomas Tesdale (* 1547 in Stanford Dingley, England; † 13. Juni 1610 in Glympton, Oxfordshire, England) weer en engelschen Mälter ut de Stadt Abingdon in de engelsche Graafschop Berkshire.

Leven[ännern | Bornkood ännern]

Tesdale weer op de John Roysse Free School in Abingdon (vondaag Abingdon School). As Mälter is he een von de rieksten Börgers von de Stadt worrn. Later weer he ok Baas von dat Spitaal un 1581 Börgermeester. Siene Amtstied hett he aver nich toenn bröcht. He hett dat Herrnhuus von Ludwell in Oxfordshire köfft un dor Veh tücht.[1]

He hett Maud Stein freet. De beiden harrn keen Kinner. En Deel von sien Vermögen güng in Stipendien von Wetenschoppers an sien ole School an dat Balliol College. 1623 is düt Geld dör Reverend Richard Wightwick von East Ilsley opstockt worrn för de Entwicklung von de Broadgates Hall to dat Pembroke College, nöömt na William Herbert, 3. Earl of Pembroke.

Footnoten[ännern | Bornkood ännern]

  1. John Platt, ‘Tesdale, Thomas (bap. 1547, d. 1610)’, Oxford Dictionary of National Biography, Oxford University Press, 2004