The Moon and the Nightspirit

The Moon and the Nightspirit is en Musikduo ut Ungarn, dat in’t Johr 2003 vun Ágnes Tóth un Mihály Szabó grünnt worrn is. Se speelt Middelöller- un Pagan-Folk. In jemehr Leder geiht dat veel üm heidnische Märken un Schamanismus.

Historie

Op jemehr eerst Album, dat se ünner den Titel Of Dreams Forgotten and Fables Untold rutbröcht hebbt, weern de Texten vun de Leder noch to’n gröttsten Deel in Engelsche Spraak. Se weern tomeist melanchoolsch, so dat de Musik vele mit de vun Ataraxia un Chandeen vergleken weer.^[1]

Dat tweete Album Regõ Rejtem is 2007 rutkamen un weer vullstännig in ungaarsche Spraak sungen.^[2] Op de Tour to dat Album weer dat Duo in grote Deelen vun Europa ünnerwegens un hebbt ünner annern op Festivals as dat Wave-Gotik-Treffen in Düütschland oder de Castle Party in Polen speelt. Jemehr drütt Album keem 2009 ünner den Titel Ősforrás op’n Markt un barg en afwesseln Wark, dat sik vör allen üm de „ollen Wiesen“, Naturmystizismus un Magie dreiht.^[3]

Vun de Kritikers is de Grupp hooch acht worrn. Jemehr Stil weer as ’n beten orientaalsch beschreven^[3] man togliek ok as ’n Mischen ut Middelöllermusik un ungaarsche Folkleder.^[4] Dat Singen vun Ágnes Tóth weer dorgegen vergleken mit Elisabeth Toriser vun Dargaard.

Diskografie

2005: Of Dreams Forgotten and Fables Untold
2007: Regő Rejtem
2009: Ősforrás
2011: Mohalepte
2014: Holdrejtek
2017: Metanoia

Borns

↑ The Moon And The Nightspirit. Of Dreams Forgotten And Fables Untold vun Stephanie Lohmann, in: Sonic Seducer (4/2006), afropen an’n 18. April 2013
↑ CD-Kritik: The Moon and the Nightspirit – Regö Rejtem in: Der Medienkonverter, afropen an’n 18. April 2013
↑ ^a ^b CD-Kritik: The Moon and the Nightspirit – Ősforrás in: Der Medienkonverter, afropen an’n 18. April 2013
↑ Piet Pollack: The Moon and the Nightspirit: Regõ Rejtem in: Folker (4/2007), afropen an’n 18. April 2013

Weblenken

Offizielle Websteed (Engelsch/Ungaarsch)

[1] The Moon And The Nightspirit. Of Dreams Forgotten And Fables Untold vun Stephanie Lohmann, in: Sonic Seducer (4/2006), afropen an’n 18. April 2013

[2] CD-Kritik: The Moon and the Nightspirit – Regö Rejtem in: Der Medienkonverter, afropen an’n 18. April 2013

[MK-3] CD-Kritik: The Moon and the Nightspirit – Ősforrás in: Der Medienkonverter, afropen an’n 18. April 2013

[4] Piet Pollack: The Moon and the Nightspirit: Regõ Rejtem in: Folker (4/2007), afropen an’n 18. April 2013

[1]

[2]

[3]

[4]