The Farm (Grupp)

Vun Wikipedia
Zur Navigation springen Zur Suche springen
The Farm bi en Optritt 2011

The Farm is en britische Musikgrupp, de Rock- un Popmusik maken doot un vör allen to Anfang vun de 1990er Johren, to de Tiet vun de Madchester-Bewegung, bekannt worrn sünd.

Historie vun de Grupp[ännern | Bornkood ännern]

De Grupp is 1983 in Liverpool tosamenkamen un hett toeerst en poor Independent-Singles rutbröcht. Se harrn Live-Optreden, künnen aver butendem ok in dat Footballmagazin The End Acht op sik tehn, dat vun Peter Hooton rutgeven weer. Blangen den Singer Hooton weer de Grupp vun Gitarrspeler Peter Grimes, den Bassspeler Phil Strongman un den Slagtüüchspeler Andy McVann grünnt. De Grupp is aver mehrmols ümbesett worrn.

In’t Johr 1989 hebbt de Liddmaten bi den Dance-Musikproduzent Terry Farley üm Hülp nafraagt, de mit jem denn dat Monkees-Cover Stepping Stone produzeert hett. Dormit kemen se in de engelschen Charts bit ünner de böversten 50. Mit de nächsten Single Groovy Train güng dat bit op den sössten Platz in de Caarts, wat för jem de Dörbrook weer. Den gröttsten Spood harrn se mit dat Leed All Together Now, dat op dat Album Spartacus vun 1991 rutbröcht weer. Dat Leed weer 1995 för den engelschen Footballvereen FC Everton un 2004 nochmol (as Remix vun DJ Spoony) as offizielle Hymne vun de engelschen Football-Natschonalmannschop nee opleggt.

Studioalbums[ännern | Bornkood ännern]

  • 1986 – Pastures Old and New
  • 1999 – Spartacus
  • 1992 – Love See No Colour
  • 1994 – Hullabaloo
  • 1998 – Best of
  • 2001 – The Very Best of
  • 2007 – All Together With