The Cardigans
The Cardigans sünd en sweedsche Musikgrupp, de vun Stil her ünner Rock, Indie-Pop un Alternative Rock intoorden sünd. Grünnt worrn is de Grupp in’t Johr 1992 vun de Heavy-Metal-Musikers Peter Svensson un Magnus Sveningsson. De Cardigans hebbt sik mit de Tiet to en vun de spoodrieksten Musikgruppen vun Sweden rutmaakt un kriegt mit de besten Kritiken in’n europääschen Pop-Rock- un Alternative-Rock.
De Musikers vun de Cardigans sünd: Nina Persson (Singen), Peter Svenson (Gitarr), Magnus Sveningsson (Bass), Bengt Lagerberg (Slagtüüch, Fleit) un Lars-Olaf Johannson (Keyboard, Gitarr).
Historie vun de Grupp
[ännern | Bornkood ännern]Anfang
[ännern | Bornkood ännern]Peter Svensson un Magnus Sveningsson, de vörher Heavy-Metal-Musikers wesen sünd, hebbt de Grupp The Cardigans (op plattdüütsch so veel as „De Knüttjacken“) 1992 in de süüdsweedschen Stadt Jönköping grünnt. Se harrn en Demoband opnahmen, dat bi den Musikproduzent Tore Johansson so good ankamen is, dat he de Grupp in en Studio na Malmö inlaadt hett. Jemehr eerst Album Emmerdale is 1994 ünner dat Label Stockholm Records rutkamen. Dat Album is in Sweden as Plaat vunt Johr uttekent worrn un hett de Cardigans – tomindst in Sweden – an Bedüden winnen laten.
Opstieg
[ännern | Bornkood ännern]Dat tweete Album Life is 1995 rutkamen. Dorop weer de Hitsingle Carnival as ok fief Leder, de al al op dat eerste Album mit op weern. Mit Life hett de Grupp to’n eersten mol ok Bedüden buten vun Sweden wunnen, wat sik ünner annern doran wiest, dat se in de britischen Top-40-Singlecharts kamen sünd. In’t Johr 1996 keem denn dat drüdde Album First Band on the Moon, vun dat de Single Lovefool in Harvst 1996 meist bit in de brittschen Top 20 stegen is. Dat Leed weer in de Neeverfilmen vun Romeo & Julia mit Leonardo di Caprio un Claire Danes bruukt, un is denn 1997 nee publizeert worrn un bit op Platz 2 vun de brittschen Charts kamen. Dat internatschonale Intresse an de Grupp is nu grötter worrn, un do harrn de Cardigans Gastoptreden bi David Letterman oder ok in de Feernsehreeg Beverly Hills, 90210.
1998 hebbt de Cardigans Gran Turismo rutbröcht, wat jemehr spoodriekst Album worrn is. Weltwiet hett sik dat Album 2,5 Millionen verköfft. De dree Singles, de vun dat Album utkoppelt weern, sünd in de brittschen Singlecharts ok teemlich spoodriek wesen, Erase/Rewind keem sogor bit in de Top 10. To de Tiet hebbt se mit War ok en Leed to de Filmmusik vun A Life Less Ordinary bidragen un weern mit Deuce an de Musik to X-Files bedeeligt. Mit Tom Jones hebbt se 1999 en Coverversion vun’t Leed Burning Down The House opnahmen, wat op Jones sien Album Reload to finnen weer.
Neeanfang
[ännern | Bornkood ännern]Na dat Album Gran Turismo un de nafolgen weltwieten Tourneen weer bi de Grupp eerstmol de Luft rut. Dat weer eerst nich klor, ob dat wietergahn schüll mit de Cardigans. De Liddmaten hebbt sik eerst mol op Soloprojekten kunzentreert: Svensson schreev Leder för Titiyo un hett mit Joakim Berg an dat Projekt Paus arbeit. Sveningsson hett ünner den Naam Righteous Boy sien Soloalbum rutbröcht, un Nina Persson hett mit Frünnen an dat Projekt A Camp arbeit.
In’t Johr 2003 hebbt se sik denn wedder tosamen doon. Jemehr nächst Album weer Long Gone Before Daylight, dat vun de Kritikers veel loovt weer, liekers aver nich an den fröheren Spood anknütten künn. Vun de beiden Singles is blots For What It’s Worth bit in de brittschen Top 40 kamen. In’n Oktober 2005 is en wieter’t Album ünner den Titel Super Extra Gravity rutkamen. En Best-of-Dubbel-CD is 2008 op’n Markt kamen.
Anners wat
[ännern | Bornkood ännern]Dör den musikaalschen Achtergrund vun eenige vun de Liddmaten (kiek baven) hebbt de Cardigans sünners in de eersten Johren jümmer wedder Leder vun Black Sabbath oder Ozzy Osborne bi jemehr Kunzerten speelt. Eenige sünd sogor op de fröhen CDs vun de Grupp to hören. Disse Coverversionen höört sik op de een Siet klor na de Cardigans an, sünd aver op de annern Siet ok jümmer noch as Leder vun Black Sabbath to kennen. Op de glieke Oort hebbt se 2003 as B-Siet vun jemehr Single „For what it’s worth“ dat Leed Das Model vun Kraftwerk mit düütschen Text inspeelt.
Anfang vun’t Johr 2004 is dat Album „A Tribute to the Cardigans“ publizeert worrn, op dat Leder vun ölven Gruppen ut Europa Hitleder vun de Grupp inspeelt hebbt.
Diskografie
[ännern | Bornkood ännern]Alben
[ännern | Bornkood ännern]| Johr | Titel | Plätz in de Charts | ||||||||
|---|---|---|---|---|---|---|---|---|---|---|
| AT | CH | DE | FR | FI | UK | IT | SE | US | ||
| 1994 | Emmerdale | – | – | – | – | – | – | – | 29 | – |
| 1996 | First Band On The Moon | – | – | 83 | – | 16 | 18 | – | 2 | 35 |
| 1998 | Gran Turismo | 43 | – | 38 | 44 | 8 | 8 | 8 | 1 | 151 |
| 2003 | Long Gone Before Daylight | 47 | 22 | 24 | 47 | 10 | – | – | 1 | – |
| 2005 | Super Extra Gravity | 48 | 42 | 30 | 85 | 15 | – | – | 1 | – |
Singles
[ännern | Bornkood ännern]| Johr | Titel Album |
Plätz in de Charts | ||||||||
|---|---|---|---|---|---|---|---|---|---|---|
| AT | CH | DE | FR | FI | UK | IT | SE | US | ||
| 1994 | Rise & Shine Emmerdale |
– | – | – | – | – | – | – | – | – |
| 1994 | Black Letter Day Emmerdale |
– | – | – | – | – | 34 | – | – | – |
| 1994 | Sick And Tired Emmerdale |
– | – | – | – | – | 34 | – | – | – |
| 1995 | Carnival Life |
– | – | – | – | – | 35 | – | – | – |
| 1995 | Hey! Get Out Of My Way Life |
|||||||||
| 1996 | Rise & Shine (Neepublikatschoon) Life |
– | – | – | – | – | 29 | – | – | – |
| 1996 | Been It First Band On The Moon |
– | – | – | – | – | 56 | – | – | – |
| 1997 | Lovefool First Band On The Moon / Soundtrack: Romeo + Julia |
7 | 22 | 6 | 31 | 5 | 2 | – | 15 | – |
| 1997 | Your New Cuckoo First Band On The Moon |
– | – | – | – | – | 35 | – | – | – |
| 1998 | My Favourite Game Gran Turismo |
– | – | 90 | 27 | – | 14 | – | 3 | – |
| 1998 | Erase / Rewind Gran Turismo |
– | 39 | 71 | 60 | – | 7 | 6 | 12 | – |
| 1999 | Hanging Around Gran Turismo |
– | – | – | – | – | 17 | – | – | – |
| 2003 | For What It’s Worth Long Gone Before Daylight |
– | – | – | – | – | 31 | – | 8 | – |
| 2003 | You’re The Storm Long Gone Before Daylight |
– | – | – | – | – | 74 | – | 10 | – |
| 2003 | Live & Learn Long Gone Before Daylight |
|||||||||
| 2005 | I Need Some Fine Wine And You, You Need To Be Nicer Super Extra Gravity |
– | – | 93 | – | – | 59 | – | 3 | – |
| 2005 | Don’t Blame Your Daughter (Diamonds) Super Extra Gravity |
49 | ||||||||
DVD
[ännern | Bornkood ännern]Vun de Cardigans is 2004 de DVD The Cardigans – Live in London rutkamen mit 18 Leder de wiel de Tournee First Band on the Moon an’n 20./21. November 1996 in’n Sheperds Bush Empire in London opnahmen worrn sünd. De Opnahmen sünd 1997 al as VHS publizeert worrn. De DVD schüll dat Kunzert in moderne Gööd un Technik togänglich maken. Anners as bi de fröheren VHS gifft dat op de DVD tosätzlich en korte Dokumentatschoon över de Tournee, dat US-Promo-Video to Been It un en interaktive Billergalerie.
Weblenken
[ännern | Bornkood ännern]
- Offizielle Websteed (engelsch)
- The Cardigans bi Musik Brainz
- The Cardigans bi laut.de