Tergast

Tergast is en Oortschap in de neddersassisch Gemeend Moormerland in' Landkreis Leer in Oostfreesland. In dat Johr 2004 harr Tergast 503 Inwahner, in dat Johr 2007 noch 493 Inwahner up en Flach vun 10,26 km².

Geographie

Dat Hoopndörp liggt etwa 2 km nordöstlich vun Oldersum weg up en etwa 5 m hooch Geestinsel inmidden vun dat sonst platt, up Meereshööcht liggen Gröönland vun de Eems un hörrt to de Gemeend Moormerland.

Geschichte

Evangeelsch-reformeert Kark

1401 wurr Tergast eerstmals as „Gast“ in en Schenkungsoorkunn togunsten vun dat Kloster Langen nömmt. De Begreep „Gast(e)“ (bzw. Geest) beteeknt dat hoochliggen Ackerland. De Präpositschoon „tor“ un de Artikel „der“ sünd to „Ter-“ verschmulten. Tergast bedüüd also sinngemäß „up den Geestrügg“ oder „Sandrügg“.

Nah de Völkerwannern hörr de Siedlungsruum vun de ünnere Eems to dat Emsigerland. 1447 wurr Hoytet Tammana as Hööftling vun Tergast nömmt. Wenige Johren later weer dat Karkspeel Tergast Deel vun de Herrlichkeit Oldersum.

Wiedere Wahnplatzen un Buernhööf üm Tergast rüm sünd: Tergaster Hammrich, Hohewarf, Rothehahn, Imkehörn, Sünnenblink, dat Tergaster Grashuus un de Sieve, en ehmalges Vörwark vun de Johanniterkommende Hasselt.

Dat Karkspeel Tergast – hüüd evangeelsch reformeert – hörr in dat Middelöller to de Propstei Leer in dat Bisdom Mönster. Vermootlich in de eerst Hälft vun dat 13. Johrhunnert hett man de Tergaster Kark up den hööchsten Punkt vun den dörplich Landrügg upricht. 1560 wurrn en School un en Schoolmeester in Tergast nömmt. Siet 1895 gifft dat in Tergast en Waterwark, etwa siet de tweet Hälft vun dat 19. Johrhunnert wurrd in Tergast Kies afbaut.

Siet den 1. Januar 1973 is Tergast en Deel vun de Gemeend Moormerland in' Landkreis Leer/Oostfreesland, Neddersassen.

Persönlichkeiten

• Habbo Gerhard Lolling (1848-1894 boren in Tergast), düütsch klassisch Archäoloog

Sonstiges

In Tergast befind sück dat Waterwark vun de Stadtwerke Emden mit mehreren Spiekerseen.

Weblenken

• Oortschronik Tergast