Tein Jahr un dree Daag

Vun Wikipedia
Zur Navigation springen Zur Suche springen

Tein Jahr un dree Daag is en plattdüütsch Theaterstück vun Ivo Braak. Dat is en eernsthaft Spill in dree Akten. Dat Stück höört to de dree Stücken, de Braak glieks na’n Tweten Weltkrieg schreven hett un de sik mit zeitnahen Themen beschäftigen.

Dat eerste Maal opföhrt worrn is dat Stück an’n 11. Januar 1954 as Höörspeel in’n Radio bi Radio Bremen. In’n Theater keem dat Stück toeerst an’n 6. Mai 1955 bi de Nedderdüütsche Bühn Glückstadt op de Bühn.

De Bühnenrechten liggt bi’n Mahnke-Verlag in Veern.

Wo dat üm geiht[ännern | Bornkood ännern]

Dat Stück speelt in’n Harvst 1948. Jüst teihn Johr is dat her, dat bi de eenzige Jood in’t Dörp doodbleven is, nadem welk vun de Dörpslüüd em dör’t Dörp jaagt hebbt. Dat weer meist vergeten, wat domals passeert weer, as opmal twee Lüüd ut de Stadt in’t Dörp kaamt un rutfinnen wüllt, wat dat weer mit dissen Jood. Nu kummt allens wedder hooch.

De eerste Akt speelt an en Sünndagnamiddag op de Deel bi Janjakob Lau, de twete an’n Maandagavend in de Stuuv bi Paster Bünz un de drüdde Akt an’n Deensdagnamiddag op’n Fellen.

Rullen[ännern | Bornkood ännern]

  • Janjakob Lau, Buur
  • Anke, sien Dochter
  • Greet, Huushöllersch
  • Niss Brandt, Jungbuur
  • Julus Stüker, Naverbuur
  • Jens, sien Söhn
  • Korl Wichmann, Naverbuur
  • Alwin Lass
  • Pastor Bünz
  • Frauke, sien Dochter
  • De Richter
  • Schendarm
  • Twee Lüüd

Druckt[ännern | Bornkood ännern]

  • Tein Jahr un dree Daag. Eernsthaftig Spill in 3 Akten, Mahnke-Verlag, Veern 1954