Tarahumara

Vun Wikipedia
Wesseln na: Navigatschoon, Söök

De Tarahumara sünd en Ethnie, de in’ Nöörden vun Mexiko leevt. Mehr as 50.000 Tarahumara-Indianer wahnen in de tallriek Canyons – incl. de berühmte Barranca del Cobre (Kopperslucht) – vun de Sierra Tarahumara. Dör hör isoliert Levenswies hebbt se hör Traditschonen hollen können; völ wahnt immer noch in Höhlen un bauen Mais un Bohnen an. Antodrapen sünd se in de Nähe vun Creel. Dor gifft dat in de Complejo Ecoturístico Arareko en tarahumarisches ejido (Hannelsgenossenschap) mit Pinienwäldern, Watrfällen, heet Borns un de Höhlenwahnstätten.

De Tarahumara draagt butergewöhnlich Kleedasch. De Fruen schmücken sück mit voluminösen Faltenröcken un Blusen ut grootmustert, bunt Stoffen. Sücks Blusen draagt ok de Mannlüüd, aber de sünd unifarben un sünd kombineert mit wiet Lendenbüxen. De traditschonellen Sandalen ut Leernbanden wurrn vun de Fruen un Mannlüüd draagen.

Berühmt sünd de Tarahumara as Langstreckenlöper. Loopen nimmt in hör Kultur en hooch Stellenwert in, wiel se traditschonell Jäger sünd; se beteken sück sülvst as Rarámuri (de, de flink rönnen). Ok hüüd gifft dat Tarahumara, de – of nu up Jagd oder in Wettrennen – bit to 170 km dör ruuch Schluchten loopen, ahn antohollen.

Kathoolsch Missionare harrn relativ spoodloos versöcht, de Tarahumara to bekehren. Se besööken woll af un to de Kark, beeden aber wiederhenn to hör old Gödder, allen vöran Raiénari, den Sünnengott un Beschütter vun den Mann, un Mechá, den Maandgoot un Beschütter vun de Fru.

Kiek ok[ännern | Bornkood ännern]

List van Indianer up de noordamerikaansche Kontinent

Weblenken[ännern | Bornkood ännern]