Tallteken

De teihn araabschen Tallteken vun uns Dezimalsystem

En Tallteken (ok Ziffer, ut Sanskrit sunya för Leddig/Null, över Araabsch aṣ-ṣifr „Null, Nix“) is en Schriftteken, das bruukt warrt, üm Tallen optoschrieven. För en Tall bruukt en dorbi een oder ok mehr Talltaken un villicht ok besünnere Symbolen so as Vörteken oder Scheedteken.

Geschicht

Ünnerscheedliche Kulturen hebbt ünnerscheedliche Tallsystemen bruukt, mit ünnerscheedlichen Tallteken. Faken hebbt se Bookstaven dorto bruukt, t.B. bi de röömschen Tallen (I, II, III, IV, …). De eenfachsten Tallteken sünd Streken, so veel as de Tall, de een opschrieven will.

Vundaag warrt tomehrst (mit regionale Varianten) de araabschen Tallteken bruukt.

Tallsystemen

Hööftartikel: Tallsystem

De wichtigsten Steedweertsystemen sünd

• dat Dezimalsystem mit de Basis 10
• dat Binär- oder Dualsystem mit de Basis 2 un
• dat Hexadezimalsystem mit de Basis 16.

Dat gifft ok Additschonssystemen:

• dat röömsche Tallsystem un
• dat Unärsystem, en eenfache Streelist.

Jedeen Tallensystem bruukt bloots en bestimmte Koppel vun Teken un hett Regel, woans een disse Teken bruken kann.