Tagenbaren

Een Tagenbaren warrt in Bremen een Minsch nömmt, de in Bremen tagen (upwussen) un baren is. Man dat is noch nich allens: Een Tagenbaren is bloß een, den siene Öllern un Grootöllern alltohopen ut Bremen kaamt un dor ok tagen un baren sünd. Afsunnerlich is, dat düsse ole plattdüütsche Begreep ok vun de Lüde in Bremen bruukt warrt, de bloß Hoochdüütsch snackt. Man de spreekt dat denn up hoochdüütsche Aart ut.